رجب طیب اردوغان دوبارہ ترکی کے صدر منتخب، مودی نے دی مبارکباد

استنبول// ترکی کے موجودہ صدر رجب طیب اردوغان نے دوسرے دور کے صدارتی انتخابات میں 52.14 فیصد ووٹوں کے ساتھ کامیابی حاصل کی۔
چیف الیکشن آفیسر احمد ینر نے ایک نیوز کانفرنس میں بتایا کہ ابتدائی اعداد و شمار کے مطابق ترکی کے پولنگ سٹیشنوں اور غیر ملکی مشنز اور سرحد کے اس پار 99.43 فیصد ووٹوں کی گنتی کے بعد اردوغان کو 52.14 فیصد، جبکہ کیملا کلکڈاروگلو کو 47.86 ووٹ ملے۔ رجب طیب اردگان ترکی کے صدر منتخب ہو گئے ہیں۔
انتخابی عہدیداروں نے بتایا کہ اردوگان اپنے مخالف حریف پر 20 لاکھ سے زیادہ ووٹوں سے آگے چل رہے ہیں۔ انتخابات کے حتمی نتائج یکم جون کو سرکاری بلیٹن میں شائع کیے جائیں گے۔
بھارتی وزیرِ اعظم نریندر مودی نے ٹویٹ کر کے رجب طیب اردگان کو مبارکباد دی ہے۔
مودی نے ایک ٹویٹ میں لکھا،”رجب طیب اردوغان کو ترکی کا دوبارہ صدر منتخب ہونے پر مبارکباد! مجھے یقین ہے کہ ہمارے دوطرفہ تعلقات اور عالمی مسائل پر تعاون آنے والے وقت میں مزید بڑھے گا”۔