عظمیٰ ویب ڈیسک

رام بن// وادی کشمیر کو ملک کے ساتھ ملانے والی جموں سرینگر قومی شاہراہ رام سو علاقے میں کئی گھنٹوں تک بند رہنے کے بعد بحال کر دی گئی ہے۔
ٹریف حکام نے بتایا کہ ہنگنی، رامسو میں سڑک کا حصہ ڈھہ جانے کی وجہ سے جموں سری نگر قومی شاہراہ پر دونوں طرف سے ٹریفک کی آمد و رفت روک دی گئی تھی، تاہم فوری طور پر سڑک کی بحالی کیلئے اقدامات شروع کئے گئے اور شام کے وقت شاہراہ پر آمدورفت بحال کی گئی۔
اُنہوں نے بتایا کہ فی الحال درماندہ ٹریفک کو نکالا جا رہا ہے۔حکام نے لوگوں کو مشورہ دیا کہ وہ ٹریفک کنٹرول یونٹ سے تصدیق کے بغیر قومی شاہراہ پر سفر کرنے سے گریز کریں۔
ٹریفک حکام نے بتایا کہ سرینگر لداخ شاہراہ پر ٹریفک آمدورفت برفباری کی وجہ سے تاحال بند ہے تاہم مغل روڈ پر ٹریفک بلا حلل جاری ہے۔