جماعت اسلامی سے منسلک یو اے پی اے کیس: سوپور پولیس کے مختلف مقامات پر چھاپے

عظمیٰ ویب ڈیسک
سوپور/سوپور پولیس نے ہفتہ کے روز ضلع بھر میں تقریباً 15 مقامات پر چھاپے مارے، جو جماعت اسلامی سے منسلک ایک معاملے کے سلسلے میں انجام دیے گئے۔ایک سرکاری عہدیدار نے بتایا کہ یہ تلاشی کارروائیاں غیر قانونی سرگرمیوں کی روک تھام کے قانون (یو اے پی اے) کے تحت درج مقدمات کے سلسلے میں کی گئیں۔
چھاپے سوپور، بومئی اور ترزو سمیت کئی علاقوں میں مارے گئے۔حکام کے مطابق تلاشی کے دوران قابلِ اعتراض مواد، بشمول کالعدم تنظیم سے متعلق لٹریچر، برآمد کیا گیا۔