سرینگر کے صفا کدل میں غیر مقامی کم سن لڑکے پر حملہ، تیز دھار ہتھیار سے گلے پر وار

عظمیٰ ویب ڈیسک
سرینگر/حکام کے مطابق سرینگر کے صفاکدل علاقے میں کرائے کے مکان کے اندر ایک غیر مقامی کم سن لڑکے پر تیز دھار آلے سے مبینہ طور پر گلا کاٹ کر حملہ کیا گیا، جس کے نتیجے میں وہ شدید زخمی ہو گیا۔
سرکاری ذرائع نے بتایا کہ یہ واقعہ صفاکدل میں واقع اس کے کرائے کے کمرے کے اندر پیش آیا، جس کے بعد زخمی لڑکے کو فوری طور پر ایس ایم ایچ ایس اسپتال منتقل کیا گیا۔
زخمی لڑکے کی شناخت اتر پردیش کے ضلع بجنور کے رہائشی کے طور پر ہوئی ہے، جو اس وقت صفاکدل، سرینگر میں مقیم تھا۔ اس کی عمر تقریباً 16 سال بتائی جا رہی ہے۔
زخمی لڑکے کی صحت سے متعلق تازہ تفصیلات کا انتظار ہے۔ پولیس نے واقعے کا نوٹس لے لیا ہے اور مزید تحقیقات جاری ہیں۔