عظمیٰ نیوزسروس
جموں//وزیر اعلیٰ عمر عبداللہ نے بدھ کے روز ایک کتاب ’’ہارٹس اینڈ ہیروز:لائیوز ڈیٹ شیپڈ اَیس ‘‘کے عنوان سے ایک کتاب جاری کی جو جے کے اے ایس آفیسر کلبھوشن کمار کی تحریر کردہ مشہور شخصیات پر ایک شعری کہانی ہے، جو اس وقت ڈیزاسٹر مینجمنٹ ریلیف اینڈ ری ہیبلیٹیشن ڈیپارٹمنٹ میں ڈائریکٹر فائنانس کے طور پر تعینات ہے۔ سول سیکرٹریٹ جموں میں منعقدہ ایک مختصر تقریب میں مصنف کے ساتھیوں اور دوستوں نے شرکت کی۔’’ہارٹس اینڈ ہیروز ‘‘نظموں کا ایک مجموعہ ہے جو بصیرتمندوں، رہنماؤں اور گمنام ہیروز کو خراجِ تحسین پیش کرتا ہے جن کی زندگیوں نے اِنسانیت پر ایک انمٹ نقوش چھوڑے ہیں۔اِس کتاب میں محبت، مہربانی اور عزم کی طاقت پر زور دیا گیا ہے جو ممتاز شخصیات پر نظموں میں بیان کردہ عالمی شخصیات سے ترغیب حاصل کرتا ہے۔ وزیر اعلیٰ عمر عبداللہ نے اپنے تبصرے میں مصنف کی اَدبی سرگرمیوں کی سراہنا کی ۔ مصنف کا تعلق جموں و کشمیر کے گاؤں برنو سے ہے اور ان کی کتاب ’’ہارٹس اینڈ ہیروز‘‘ آتھیرس پریس نے شائع کی ہے۔
