جموں میں کانگریس کی جانب سے مہنگائی او رٹیکس کیخلاف احتجاج | صدرجے اے میر سمیت متعدد لیڈران حراست میںلینے کے بعد رہا

جموں//جموں میں پردیش کانگر یس کی جانب جائیداد ٹیکس اور مہنگائی کو لے کر درجنوں کار کنان کے ہمراہ زور دار احتجاج کیا ہے ۔اس دوران پولیس نے پردیش کانگریس صدر جے اے میر سمیت درجنوں افراد کو پولیس نے کچھ وقت کے لئے گرفتارکر لیا اور بعد میں سبھی افراد کو رہا کیا گیا ہے۔ پولیس نے بتایا کہ جموں و کشمیر پردیش کانگریس کمیٹی کے صدر جی اے میر کو اتوار کے روز یہاں ایک درجن سے زائد پارٹی کارکنوں کے ساتھ ایندھن کی بڑھتی قیمتوں اورپرارٹی ٹیکس کے خلاف احتجاج کے دوران مختصر طور پر حراست میں لیا گیا تھا،حکام نے بتایا کہ پولیس نے میر کے ساتھ پارٹی کے سینئر ساتھیوں اور سابق وزراء رمن بھلا اور یوگیش سہنی نے شہر کے جانی پور محل میں ضروری سامان ، خصوصی طور پٹرول ، ڈیزل اور ایل پی جی کی قیمتوں میں اضافے کے خلاف ریلی نکالنے کی کوشش کے بعد کارروائی کی ہے۔ پارٹی کارکنوں اور حامیوں کی ایک بڑی تعداد کے ہمراہ ، کانگریس قائدین نے اس سے قبل ضروری اجناس کی قیمتوں میں اضافے کی روک تھام کے الزام میں ناکامی پر دھرنا دیا اور حکومت مخالف نعرے لگائے۔میر نے پولیس کے دو سینئر ساتھیوں اور متعدد دیگر کارکنوں کے ساتھ پولیس نے حراست میں لینے سے قبل صحافیوں کو بتایا ’’یہ احتجاج 45 روزہ پروگرام کا ایک حصہ ہے جس میں کانگریس نے ایندھن کی قیمتوں میں اضافے کے خلاف احتجاج کیا تھا‘‘۔انہوں نے کہا کہ ضروری اجناس کی بڑھتی قیمتوں کے درمیان کانگریس نے عوام کی بڑھتی ہوئی حالت زار کی طرف حکومت کی توجہ مبذول کروانے کے لئے 15 فروری سے 30 مارچ تک ایک احتجاجی مہم شروع کی ہے۔انہوں نے کہا ، ہم اس مہم کو مرکزی خطے کے ہر گوشے تک لے جائیں گے اور حکومت کو لوگوں کو ریلیف فراہم کرنے پر مجبور کریں گے۔میر نے املاک ٹیکس کی تجویز پیش کرنے پر جموں و کشمیر انتظامیہ کو بھی تنقید کا نشانہ بناتے ہوئے کہا کہ ’’ہر بار اور لوگوں کو اپنی زندگی کو دکھی کرنے کے لئے نئے ٹیکس کی شکل میں ایک تحفہ دیا جاتا ہے۔ہمیں ٹیکس دہشت گردی کا سامنا ہے اور پراپرٹی ٹیکس عائد کرنے کے لئے کسی بھی اقدام پر احتجاج کریں گے۔ انہوں نے کہا کہ انہوں نے سڑکوں ، پانی اور بجلی کے استعمال پر عوام پر پہلے ہی ٹیکس عائد کردیا ہے۔