عظمیٰ نیوز سروس
نئی دہلی// بین الاقوامی مارکیٹ میں تیل کی قیمتوں میں بڑی کمی کے بعد ہندوستانی ایندھن بازار میں آنے والے اگلے 7 سے 10 دنوں میں صورتحال بدلنے کا امکان ہے۔ اگر خام تیل کی قیمتیں موجودہ سطح کے قریب برقرار رہتی ہیں تو انڈیا آئل مارکیٹنگ کمپنیاں اگلے 10 دنوں میں پیٹرول اور ڈیزل کی فروخت پر ‘‘نہ منافع، نہ نقصان’’ کی صورتحال تک پہنچ سکتی ہیں۔ یعنی کمپنیوں کی لاگت اور آمدنی برابر ہو جائے گی۔ ایسا ہونا عام صارفین کے لیے ایک اہم خبر ہو سکتا ہے کیونکہ یہی پیٹرول اور ڈیزل سستا ہونے کا راستہ کھول سکتا ہے۔ایک رپورٹ کے مطابق اس وقت سرکاری تیل کمپنیاں پیٹرول اور ڈیزل کی فروخت پر ‘‘انڈر ریکوری’’ کا سامنا کر رہی ہیں۔ جاری مالی سال کی پہلی سہ ماہی میں کمپنیوں کو 75,000 کروڑ روپے سے زائد کا بھاری نقصان اٹھانا پڑا ہے۔ پہلے سے مہنگے خام تیل کے اسٹاک کی وجہ سے اس سہ ماہی میں بھی کمپنیوں کی مالی حالت پر دباؤ برقرار ہے۔
