سری نگر میں ایک کالعدم تنظیم کا لٹریچر ضبط: پولیس

عظمیٰ ویب ڈیسک
سری نگر/جموں وکشمیر پولیس نے سری نگر میں ایک کالعدم تنظیم کے نظریے کو فروغ دینے والے لٹریچر کو ضبط کیا ہے اور اس ضمن میں بی این ایس ایس ایکٹ کے تحت قانونی کارروائی شروع کی ہیں۔
یہ جانکاری سری نگر پولیس نے جمعہ کو ‘ایکس’ پر ایک پوسٹ کے ذریعے فراہم کی۔
پوسٹ میں کہا گیا: ‘ ایک کالعدم تنظیم کے نظریے کو فروغ دینے والے لٹریچر کی خفیہ فروخت اور تقسیم کے حوالے سے مصدقہ اطلاعات کی بنیاد پر سری نگر میں تلاشی کارروائی انجام دی جس کے نتیجے میں 668 کتابیں ضبط کی گئیں’۔
انہوں نے کہا کہ اس سلسلے میں بی این ایس ایس کی دفعہ 126 کے تحت قانونی کارروائی شروع کر دی گئی ہے۔