فاروق عبداللہ کا پاکستان کو مشورہ: تصادم صرف تباہی لاتا ہے، امن کی راہ اپنائی جائے

عظمیٰ ویب ڈیسک
سرینگر/نیشنل کانفرنس کے صدر فاروق عبداللہ نے بدھ کے روز کہا کہ پاکستان کو یہ بات سمجھ لینی چاہیے کہ تصادم کے ذریعے کچھ حاصل نہیں کیا جا سکتا کیونکہ اس کا نتیجہ صرف تباہی کی صورت میں نکلتا ہے۔فاروق عبداللہ نے رنگریٹھ میں جموں و کشمیر لائٹ انفنٹری (JAKLI) ریجمنٹ میں ایک فوجی تقریب کے موقع پر صحافیوں سے بات کرتے ہوئے کہا کہ پاکستان کو چاہیے کہ وہ تنازعات کا خاتمہ کرے۔ انہوں نے کہاہمیں امید ہے کہ ہمارا پڑوسی یہ سمجھے گا کہ تصادم سے کچھ حاصل نہیں ہوتا۔ تصادم صرف تباہی لاتا ہے، اس لیے اسے ختم ہونا چاہیے۔
انہوں نے مزید کہا کہ طویل عرصہ گزر چکا ہے اور اب وقت آ گیا ہے کہ کشیدگی کو ختم کیا جائے۔ فاروق عبداللہ نے دعا کی کہ اللہ اس فوجی یونٹ کو ہر جگہ کامیابی عطا کرے اور ہمیں جنگوں سے نجات دلائے۔انہوں نے عالمی امن کی خواہش ظاہر کرتے ہوئے کہا کہ دنیا بھر میں امن قائم ہونا چاہیے تاکہ ہم ترقی کر سکیں۔