محمد امین میر
زمین کے نظم و نسق کی عظیم عمارت میں تاریخ صرف زمینداروں کی نہیں ہوتی۔ یہ بے زمینوں کی بھی ہوتی ہے۔ ان لوگوں کی تاریخ، جنہوں نے وہ زمین کاشت کی جو ان کی اپنی نہیں تھی، جو دیہات کی مشترکہ زمینوں پر رہے، جو ہنرمند، مزدور، چرواہے اور دیہاتی خادم تھے،جن کے نام کبھی جمعبندی کے مالکانہ خانوں میں درج نہیں ہوئے مگر جن کی موجودگی ایک متوازی اور برابر قانونی و سماجی اہمیت کے حامل رجسٹر میں سرکاری طور پر تسلیم کی گئی، بکرمی چولا۔آج جب جموں و کشمیر میں ہزاروں شہری RBA، ALC، IB، SC، ST اور دیگر زمروں کے سرٹیفکیٹس کے لیے درخواست دے رہے ہیں، ایک خاموش بحران جنم لے چکا ہے۔ یہ قانون کا نہیں بلکہ ریکارڈ کا بحران ہے۔ اہلیت کا نہیں بلکہ ثبوت کا بحران ہے اور یہ بحران دہائیوں کی انتظامی غفلت سے پیدا ہوا ہے۔
کوئی شخص مکمل طور پر اہل ہو سکتا ہے،کوئی خاندان نسلوں سے اسی گاؤں میں رہتا آیا ہو سکتا ہے،کوئی ذات تاریخی طور پر درج ہو سکتی ہے،رہائش مسلسل ہو سکتی ہے،پھر بھی سرٹیفکیٹ مسترد کر دیا جاتا ہے۔کیوں؟کیونکہ درخواست گزار کے نام کوئی مالکانہ زمین نہیں، جمعبندی میں اس کا نام درج نہیں، ریکارڈ آف رائٹس (RoR) صرف ملکیت کی بات کرتا ہے،اور بے زمینوں کا قانونی ریکارڈبکرمِی چولا،اکثر دیہات سے غائب ہو چکا ہے۔یہ محض دفتری دشواری نہیں،یہ تاریخ کی نفی ہے،یہ شناخت کی مٹان ہے۔یہ اس رجسٹر کے غائب ہونے سے ہونے والی ناانصافی ہے جو کبھی جمعبندی کے شانہ بشانہ کھڑا تھا۔مالکان کے لئے ریکارڈ آف رائٹس اور بے زمینوں کے لیے بکرمِی چولا، ایک ہی سکے کے دو رُخ ہیں،مگر آج ایک رُخ روشن ہے،ڈیجیٹل، محفوظ اور نافذ،جبکہ دوسرا بھولا ہوا، پھٹا ہوا، دیمک زدہ، گوداموں میں بند یا ہمیشہ کے لیے گم ہو چکا ہے۔یہ اُس گم شدہ رجسٹر کی کہانی ہے،یہ بھولے ہوئے شہری کی کہانی ہے۔یہ اس بات کی کہانی ہے کہ جموں و کشمیر میں زمین کا نظم و نسق کیسے اپنی اخلاقی اور قانونی توازن کو دوبارہ دریافت کرے۔بکرمِی چولا کی قانونی حیثیت کو سمجھنے کے لیے ہمیں جموں و کشمیر کے ابتدائی سیٹلمنٹ آپریشنز کی طرف لوٹنا ہوگا۔سیٹلمنٹ کے دوران گاؤں صرف نقشہ نہیں بنایا گیا تھا، اسے سماجی طور پر دستاویزی شکل دی گئی تھی،عملے نے صرف کھیت ناپے نہیں تھے۔انہوں نے خاندان درج کیے،ذاتیں قلم بند کیں،باشندوں کی فہرستیں بنائیں،مالکان اور غیر مالکان میں فرق کیا۔یوں دو متوازی نظام بنے:ریکارڈ آف رائٹس (جمعبندی) — مالکان کے لئے اوربکرمی چولا رجسٹر — بے زمین باشندوں کے لئے۔جمعبندی میں درج تھا:ملکیت،قبضہ،کاشت،محصولی تخمینہ،وراثت،جبکہ بکرمِی چولا میں درج تھا:گھریلو سربراہان،ذات اور برادری،مدتِ رہائش،بطور گاؤں کے باشندے کی حیثیت،سماجی و پیشہ ورانہ شناخت۔سیٹلمنٹ نے بے زمین باشندے کو کبھی غیر مرئی نہیں سمجھابلکہ انہیں اسی سنجیدگی سے درج کیا گیا جس طرح مالکان کو۔اگر جمعبندی گاؤں کا معاشی رجسٹر تھی توبکرمِی چولا اس کی سماجی مردم شماری تھی۔اگر جمعبندی ملکیتی حقوق قائم کرتی تھی توبکرمی چولا شہری شناخت قائم کرتی تھی۔اگر جمعبندی ملکیت ثابت کرتی تھی توبکرمی چولا وابستگی ثابت کرتی تھی۔بکرمی چولامیںکن لوگوں کا اندراج تھا؟بکرمی چولامندرج لوگوں کے لیے تیار کی جاتی تھی:مزدور،ہنرمند، لوہار، بڑھئی، کمھار، چرواہے،ماہی گیر،دھوبی،نائی،دیہاتی خادم،بُنکر،غیر مالک کاشتکار،گاؤں کی زمین پر آباد بے زمین خاندان،آبادی، غیر ممکن یا مشترکہ زمین پر رہنے والے خاندان،ان لوگوں کے پاس مالکانہ کھیت نہیں تھے۔مگر ان کی جڑیں تھیں،ان کا نسب تھا،ان کی ذات تھی،اور گاؤں کی معیشت و سماجی ڈھانچے میں ان کی جگہ تھی۔ان کے آباؤ اجداد نسلوں سے گاؤں کی خدمت کرتے آئے تھے،ان کے نام معروف تھے،ان کے گھر معروف تھے،ان کی قبریں اسی گاؤں میں تھیں،ان کی مساجد اور مندر انہی نے تعمیر کئےتھے،وہ گاؤں اتنے ہی تھے جتنے خود زمیندار۔بکرمِی چولا نے انہیں نہ کرایہ دار کے طور پر، نہ قابض کے طور پر بلکہ اصل باشندوں کے طور پر درج کیا۔
بکرمِی چولا کی قانونی حیثیت۔ ایک رجسٹرڈ عوامی دستاویز: آج ایک خطرناک غلط فہمی پائی جاتی ہے کہ بکرمِی چولا محض ایک غیر رسمی فہرست ہے۔یہ غلط ہے،یہ سیٹلمنٹ کے دوران تیار کی گئی عوامی دستاویز ہے،یہ قانونی اختیار کے تحت بنائی گئی،سیٹلمنٹ میں تصدیق ہوئی،عوامی سماعت کے بعد حتمی بنائی گئی،سیٹلمنٹ افسران نے اس کی توثیق کی اور اسے محکمہ مال کے ریکارڈ رومز میں محفوظ رکھا گیا۔قانون میں یہ ایک رجسٹرڈ عوامی ریکارڈ ہے،بکرمِی چولا میں درج ذات وہی ثبوت رکھتی ہے جو جمعبندی میں درج ذات۔
بکرمِی چولا میں درج رہائش وہی حیثیت رکھتی ہے جو ریکارڈ آف رائٹس میں درج رہائش،بکرمِی چولا میں درج نسب وہی سند رکھتا ہے جو شجرۂ نسب میں۔
حقیقت یہ ہے کہ بے زمین خاندانوں کے لیے بکرمی چولا ہی ان کے گاؤں کی اصل شہادت ہے۔اس کے بغیر بے زمین شہری تاریخ میں غیر دستاویزی ہو جاتا ہے۔
دو ریکارڈ، ایک گاؤں، ایک حقیقت،گاؤں صرف کھیتوں کا نام نہیں،وہ اس کے لوگوں کا نام ہے۔اسی لیے سیٹلمنٹ نے دوہرا دستاویزی ڈھانچہ بنایا:مالکان — غیر مالکان،جمعبندی — بکرمی چولا،کھیت پر مبنی ریکارڈ — گھرانے پر مبنی ریکارڈ،ملکیت مرکز — رہائش مرکز،محصول مرکز — سماجی شناخت مرکز،ملکیتی حقوق — شہری پہچان،دونوں مل کر گاؤں کا مکمل ریکارڈ آف رائٹس بنتے تھے۔ایک کو مٹا دو تو گاؤں کی تاریخ ادھوری ہو جاتی ہے۔صرف جمعبندی کو محفوظ رکھو تو صرف زمیندار محفوظ رہتے ہیں۔بکرمی چولا مٹا دو تو بے زمین مٹ جاتے ہیں۔جدید بحران: تاریخ کے بغیر سرٹیفکیشن ،آج کوئی شخص درخواست دیتا ہے:RBA سرٹیفکیٹ،ALC سرٹیفکیٹ،IB سرٹیفکیٹ،SC سرٹیفکیٹ،
ST سرٹیفکیٹ،سماجی ذات کا سرٹیفکیٹ،رہائش پر مبنی زمرہ جاتی سرٹیفکیٹ،انتظامیہ مطالبہ کرتی ہے:رہائش کا ثبوت،ذات کا ثبوت،نسب کا ثبوت،گاؤں کی اصل کا ثبوت،
مالکان کے لیے جمعبندی یہ سب فراہم کر دیتی ہے۔مگر بے زمینوں کے لیے؟ان کے پاس مالکانہ زمین نہیں،ان کے نام جمعبندی میں نہیں،ان کی کوئی میوٹیشن ہسٹری نہیں،
ان کے کوئی خسرہ نمبر نہیں،انہیں کہا جاتا ہے:’’ریونیو ریکارڈ لاؤ۔‘‘مگر ان کے لیے جو واحد ریونیو ریکارڈ کبھی موجود تھا، وہ بکرمِی چولا تھااور وہ اب غائب ہے۔یوں اہل شہری نااہل بنا دیا جاتا ہے۔قانون سے نہیں، کاغذ کی کمی سے۔غائب ہوتے رجسٹر۔کہاں گئے بکرمی چولا؟یہ محکمہ مال کے لیے سب سے غیر آرام دہ سوال ہے۔بہت سے دیہات میں:رجسٹر پھٹے ہوئے ہیں،صفحات غائب ہیں،سیاہی مٹ چکی ہے،غلاف دیمک زدہ ہیں۔کتابیں نم گوداموں میں پڑی ہیں،کبھی ڈیجیٹل نہیں کی گئیں،کبھی کیٹلاگ نہیں ہوئیں،کبھی انڈیکس نہیں بنے،کبھی ریکارڈ روم منتقل نہیں ہوئیں۔(جاری)
