دہلی میں ہفتہ کو 72 پروازیں منسوخ، 300 سے زیادہ تاخیر کا شکار

عظمیٰ ویب ڈیسک
نئی دہلی/دہلی کے اندرا گاندھی بین الاقوامی ہوائی اڈے پر ہفتہ کو خراب موسم کی وجہ سے 72 پروازیں منسوخ اور 300 سے زیادہ دیگر پروازیں تاخیر کا شکار ہوئیں۔جہاں آج صبح دہلی میں کوئی دھند نہیں تھی، وہیں دھند کی وجہ سے ملک کے دیگر حصوں سے آنے اور جانے والی پروازیں منسوخ کر دی گئیں۔
ہوائی اڈے کے حکام نے بتایا کہ مختلف ایئر لائنز نے آج دہلی آنے اور جانے والی 34 پروازیں منسوخ کر دیں۔ اس کے علاوہ 300 سے زائد پروازیں تاخیر کا شکار ہوئیں۔قابل ذکر ہے کہ دہلی میں آج رن وے کی بصارت اچھی رہی، لیکن دوسرے شہروں میں دھند چھائی رہی۔ایئر لائنز نے دھرم شالہ، بھونیشور، اندور، دربھنگہ اور حیدرآباد میں دھند کی اطلاع دی ہے اور مسافروں کو مشورہ دیا ہے کہ وہ ویب سائٹس اور سوشل میڈیا پلیٹ فارمز پر اپنی پرواز کی حالت چیک کریں۔