سری نگر میں ’پیڈل تھرو پیراڈائز‘ سائیکلوتھون میں سینکڑوں افراد کی شرکت

عظمیٰ ویب ڈیسک
سری نگر/جموں و کشمیر آرمڈ پولیس کے زیر اہتمام ’پیڈل تھرو پیراڈائز‘ سائیکلو تھون میں اتوار کی صبح سینکڑوں کی تعداد میں سائیکل چلانے والے افراد نے حصہ لیا۔اتوار کی صبح شہرہ آفاق جھیل ڈل کے کناروں پر جشن کا سا سماں تھا جب سائیکل چلانے والے افراد اس ایونٹ میں شریک ہونے کے لئے جمع ہو رہے تھے۔
اس ایونٹ، جو اب ایک سالانہ روایت بن چکا ہے، میں 10 سے 60 برس کی عمر کے درمیان مختلف شعبہ ہائے حیات سے تعلق رکھنے والے افراد نے شرکت کی۔اس موقع پر جموں و کشمیر آرمڈ پولیس کے ایڈیشنل ڈائریکٹر جنرل آںند جین نے میڈیا کو بتایاسائیکل تھرو پیرا ڈائز ہمارا سالانہ فکسچر ہے، جموں و کشمیر پولیس ہر سال اس ایونٹ کا اہتمام کرتی ہے۔
انہوں نے کہا کہ اس ایونٹ میں 5 سے 60 برس کی عمر کے درمیان افراد حصہ لے رہے ہیں جن کا مختلف شعبہ ہائے حیات سے تعلق ہے۔ان کا کہنا تھااس طرح کے ایونٹس سے یہ پیغام جاتا ہے کہ ہمارے نوجوان اپنی تمام تر صلاحیتوں اور قوت کو اپنی پڑھائی اور ملک کی ترقی کے لئے صرف کریں۔
موصوف اے ڈی جی پی نے بتایا کہ اس ایونٹ میں جسمانی طور معذور مرد و خواتین بھی حصہ لے رہے ہیں اور اس سے یہ پیغام بھی عام ہوجاتا ہے کہ نوجوان منشیات سے دور رہیں۔قبل ازیں 15 جولائی کو، جموں و کشمیر اسپورٹس کونسل نے اتحاد، فٹنس اور نوجوانوں کو بااختیار بنانے کے متحرک نمائش کے طور پر ایک سائیکلوتھون پیڈل فار پیس کا انعقاد کیا تھا۔ اس ایونٹ میں بھی بڑی تعداد میں لوگوں نے شرکت کی تھی۔