امرناتھ یاترا کے پُرامن انعقاد کے لیے تمام انتظامات مکمل : وزیراعلیٰ عمر عبداللہ

عظمیٰ ویب ڈیسک
سرینگر/وزیراعلیٰ عمر عبداللہ نے پیر کے روز کہا کہ حکومت نے امرناتھ یاترا کے پُرامن اور خوش اسلوبی سے انعقاد کے لیے تمام تر انتظامات مکمل کر لیے ہیں۔صحافیوں سے بات کرتے ہوئےوزیراعلیٰ عمر نے کہا کہ حکومت یاترا کے پُرامن انعقاد کی امید اور دعا کرتی ہے۔انہوں نے کہا، لیفٹیننٹ گورنر نے سیاسی جماعتوں اور سول سوسائٹی کے ارکان کے ساتھ اجلاسوں کی صدارت کی اور یاتریوں کے لیے مناسب سیکورٹی انتظامات کی یقین دہانی کرائی۔
وزیراعلیٰ نے مزید کہا کہ اب وہ یاتریوں کے منتظر ہیں جنہیں کل جموں سے روانہ کیا جائے گا۔ ہم امید کرتے ہیں کہ بڑی تعداد میں یاتری آئیں گے اور دعا کرتے ہیں کہ وہ بخیریت اپنے گھروں کو لوٹیں۔امر ناتھ یاترا 3 جولائی سے جموں و کشمیر میں کثیر سطحی سیکورٹی انتظامات کے تحت شروع ہوگی۔ ــ