عظمیٰ نیوز سروس
کٹرہ//مرکزی وزیر مملکت ڈاکٹر جتیندر سنگھ نے ریاسی ضلع اور کٹرہ ویشنو دیوی کے مقدس مقام تک پھیلنے والی منشیات کی لعنت پر تشویش کا اظہار کیا۔وزیر نے کہا کہ وہ اس خطے میں نوجوانوں کی طرف سے منشیات کے استعمال کے بڑھتے ہوئے واقعات کے بارے میں رپورٹس موصول ہونے پر پریشان ہیں۔وزیر نے گزشتہ دو دنوں میں اس معاملے پر مقامی انتظامیہ اور قانون نافذ کرنے والے اداروں کے ساتھ جائزہ میٹنگیں کی تھیں۔ڈاکٹر جتیندر سنگھ نے والدین اور مقامی انتظامیہ سے بچوں کو منشیات سے دور رہنے کی اپیل کرتے ہوئے کہا کہ ان کی صلاحیتوں کو بروئے کار لاتے ہوئے وزیر اعظم نریندر مودی کے 2047 تک ہندوستان کو ایک ترقی یافتہ ملک بنانے کے ویژن کو عملی جامہ پہنانا چاہیے۔ کٹرہ کو محفوظ کیا جانا چاہیے، اور اسے سماجی اقدار کے لیے تحریک کا ذریعہ بننا چاہیے۔وزیر نے کہا کہ منشیات کی لت کو روکنے کیلئے مقامی انتظامیہ کی سطح اور سماجی سطح پر ایک تذویراتی پلان مرتب کیا جا رہا ہے۔ انہوں نے بتایا کہ ہاٹ سپاٹ کی نشاندہی کی جائے گی اور اس لعنت کو روکنے کیلئے سماجی بیداری پیدا کی جائے گی۔ڈاکٹر جتیندر سنگھ نوراتری تہوار اور ملٹی میڈیا نمائش کا افتتاح کرنے کے بعد بات کر رہے تھے، جس کا اہتمام مرکزی بیورو آف کمیونیکیشن، مرکزی وزارت اطلاعات و نشریات کے ذریعے کیا گیا تھا۔گورنمنٹ بوائز ہائر سیکنڈری سکول کٹرہ میں منعقد ہونے والی ہفتہ بھر کی نمائش کا تھیم سیوا، سوشاسن اور غریب کلیان کے 9 سال ہے۔ یہ نمائش کٹرا میں نوراتری فیسٹیول کے ساتھ ملتی ہے۔اس موقع پر خطاب کرتے ہوئے ڈاکٹر جتیندر سنگھ نے کہا کہ خطے کی ترقی مرکز میں وزیر اعظم نریندر مودی کی قیادت والی حکومت کی اولین ترجیح ہے۔ انہوں نے کہا کہ پچھلے نو سال میں خطے میں انقلابی ترقی ہوئی ہے۔ بنیادی ڈھانچے کے منصوبوں کے بارے میں بات کرتے ہوئے،ڈاکٹر جتیندر سنگھ نے کہا کہ ریاسی میں دنیا کا سب سے اونچا ریلوے پل بنا ہے۔ دہلی-امرتسر-کٹرا ایکسپریس وے جلد ہی تیار ہونے والا ہے۔ انہوں نے کہا، کٹرا وندے بھارت ٹرین حاصل کرنے والا ملک کا دوسرا اسٹیشن تھا اور جب اس سال کے آخر تک وادی کشمیر سے ریل لائن گزر جائے گی تو کٹرا ایک اہم جنکشن ہوگا۔کٹرا کو مودی حکومت کی پرساد اسکیم کے لیے منتخب کیا گیا تھا، وزیر کو مطلع کیا اور کہا کہ جلد ہی ملٹی موڈ انٹر اسٹیشن بھی ہوگا۔سنٹرل بیورو آف کمیونیکیشن (سی بی سی) جموں کے جوائنٹ ڈائریکٹر غلام عباس نے اپنے خطاب میں کہا کہ یہ یونٹ عوام میں سرکاری اسکیموں اور پروگراموں کے بارے میں بیداری پیدا کر رہا ہے۔ انہوں نے مزید کہا کہ آج کی نمائش نچلی سطح تک پیغام پہنچانے کی کوششوں کا حصہ ہے۔
