گاندربل میں لوک عدالت کا اہتمام

گاندربل//ڈسٹرکٹ کورٹ کمپلیکس گاندربل میں لیگل سروس اتھارٹی کے زیر اہتمام ایک لوک عدالت کا انعقاد کیا گیا۔راجہ شجاعت علی خان پرنسپل ڈسٹرکٹ اینڈ سیشن جج گاندربل جو کہ چیئرمین لیگل سروس اتھارٹی کے چیئرمین بھی ہیں ،کی زیر قیادت لوک عدالت کا انعقاد کیا گیا جس میں دو بینچ قائم کئے گئے تھے جن میں ایک کی قیادت راجہ شجات علی خان اور دوسرے بنچ کی قیادت راجہ تسلیم چیف جوڈیشل مجسٹریٹ گاندربل نے کی۔ اس موقع پر مختلف نوعیت کے 92 مقدمات زیر سماعت لائے گئے جن میں سے 49 مقدمات افہام و تفہیم سے حل کئے گئے۔بجلی فیس کی بقایا رقم 2لاکھ 58ہزار اور پانچ سو روپے جبکہ بنک قرضہ کے 8لاکھ 25ہزار روپے تصفیہ کے تحت وصول کئے گئے۔