حاجن جھڑپ میں ہلاک ہوئے کمانڈو نرالا کی ماں اور بیوی کو دیکھ کر جذباتی ہوگئے صدر جمہوریہ

 نئی دہلی//صدر رام ناتھ کووند اس وقت جذباتی ہوگئے جب انہوں نے ہندوستانی فضائیہ کے جان بحق ہوئے گروڑ کمانڈو جیوتی پرکاش نرالا کو پس از مرگ اشوک چکر انعام نرالا کی اہلیہ کو دیا۔جب اناونسر نے نرالا کی والدہ اور اہلیہ کو اسٹیج پرمدعو کرنے کے دوران کمانڈو نرالا کے جرات مندی کے کارناموں کا ذکر شروع کیا تو اسی دوران صدر جذباتی ہوگئی اور ان کی آنکھیں بھر آئیں۔نرالا کی والدہ اور بیوی کو اعزاز دینے کے بعدجب مسٹر کووند اپنی کرسی پر بیٹھے تو ان کے آنکھوں سے آنسو چھلک گئے ۔ گروڑ کمانڈو نرالا تین ماہ پہلے خصوصی ڈیوٹی پر کشمیر میں حاجن میں تعینات تھے اسی دوران وہ جنگجوﺅںسے مقابلہ کرتے ہوئے ہلاک ہوگئے تھے ۔ اس آپریشن کے دوران مسعود اظہر کا بھتیجہ طلحہ رشید بھی مارا گیاتھا۔ نرالا بہار کے روہتا ضلع کے رہنے والے تھے ۔ وہ 2005میں فوج میں شامل ہوئے تھے اور 2017میں اسپیشل ڈیوٹی پر کشمیر میں تعینات کئے گئے تھے ۔ یہ پہلا موقع ہے جب ہندوستانی فضائیہ کے کسی گروڑ کمانڈو کو اشوک چکر دیا گیا ہے ۔یو این آئی