غمِ فْرقت میں سوزِ زندگانی کم نہ ہو جائے
غموں کا اسقدر بڑھنا علاجِ غم نہ ہو جائے
بڑی مْشکل سے میں نے آب دی ہے تیغِ قاتل کو
سنبھل کر دیکھنا یہ آنکھ پھر سے نم نہ ہو جائے
زمانے کی تھکن لے کر یہاں تک آ تو پہنچا ہے
ترے در پر یہ دیوانہ کہیں بے دم نہ ہو جائے
ذہن میں گونجتی ہیں اب بھی چیخیں حْسن بانو کی
کہیں پھر سے کوئی بہرام زیرِ چھم نہ ہو جائے
اگر سجدہ ہی لازم ہے تو کعبہ اور کلیسا کیوں
جبیں چوکھٹ پہ تیری پھر بھلا کیوں خم نہ ہو جائے
جدائی کا یہ موسم اور میری تشنگی جاویدؔ
مری آنکھوں کا یہ دریا مْجھی میں ضم نہ ہو جائے
سردارجاویدخان
پتہ؛ مہنڈر، پونچھ،رابطہ؛ 9419175198
غزل
سانسوں پہ اپنی جیسے مسلط ہے دوڑ دھوپ
چھاؤں اُتارتا ہوں تو کہتا ہے اوڑھ دھوپ
ٹکڑے جو کرکے لے گیا پت جھڑ غبار میں
لا فصلِ نو بہار ہر آنگن میں جوڑ دھوپ
موسم ہے سرد خواب ٹھٹھرتے ہیں رات بھر
برفاب دل کی وادیوں کی سمت موڑ دھوپ
یوں کوچ کرکے جا نہ مرے برف زار سے
یخ بستہ آئینے میں پڑی ہے جو توڑ دھوپ
لڑنا ہے پڑتا دھول اندھیروں سے رات بھر
خورشیدِ دشت خواب منڈیروں پہ چھوڑ دھوپ
صحرائے ریگِ قیس کا شیداؔ ہوں را ہ رو
قدموں کے ساتھ میرے قدم تم بھی جوڑ دھوپ
علی شیداؔ
نجدہ ون، نپورہ اسلام آباد کشمیر
موبائل نمبر؛9419045087
ہم پہ کرتاہے جب نظرکوئی
دِل کی پھرلیتاہے خبرکوئی
زندگی بھرتھا دربہ در کوئی
کرگیااِسی طرح بسرکوئی
جومیرے دِل کے غم میں شامل ہو
مُجھ کو آتا نہیں نظرکوئی
ایسے میں مِل سکے گی چھائوں کہاں
راہ میں جب نہیں شجرکوئی
وہ ہے اپنی انامیں ڈُوباہوا
اُس پہ ہوگا کہاں اثرکوئی
کیاکہوں میراحال تھا کیسا
ہنس دیامُجھ کودیکھ کرکوئی
اُس کے بارے میں کیا کہوں ہتاشؔ
بات کرتاہے وہ مختصرکوئی
پیارے ہتاشؔ
دور درشن لین ، جموں
موبائل نمبر؛8493853607
اچھی لگی اُس کی ادا،اُس نے ہمیں جھوٹا کہا
آنے لگا سچ کا مزہ، اُس نے ہمیں جھوٹا کہا
بس دیکھتے ہی رہ گئے اور سوچتے ہی رہ گئے
کیسی ہوئی ہم سے خطا، اُس نے ہمیں جھوٹا کہا
ہم تو صنم جھو ٹے نہیں،کب کہہ سکے یہ چاہ کر
چُپ چاپ ہی سب سُن لیا،اُس نے ہمیں جھوٹا کہا
دیکھا نہیں ،پرکھا نہیں، سوچا نہیں، سمجھا نہیں
ہم کو دیا الزام کیِا،اُس نے ہمیں جھوٹا کہا
اُس نے فقط کی دل لگی ، اس بات کا ہی غم رہا
کُچھ وجہ بھی دیتا بتا، اُس نے ہمیں جھو ٹا کہا
ہم نے کیا محسوس کیاِ، اُس نے بھی یہ سوچا کہاں
لیکن ہمیں اچھا لگا، اُس نے ہمیں جھوٹا کہا
انجم ؔ ہمارے عشق کا ، یہ تو ہُوا آغاز ہے
دل میں بھی ہے کچھ کچھ ہُوا،اُس نے ہمیں جھوٹا کہا
پیاسا انجمؔ
ریشم گھر کالونی ۔بخشی نگر جموں
موبائل نمبر؛9419101315
تیرا آنا توبہ توبہ
مر مٹ جانا توبہ توبہ
اپنے آپ میں بے خود ہو کر
دل بہلانا توبہ توبہ
دلبر جانی جلوہ تیرا
دل کو بھانا توبہ توبہ
تیری بانہیں منزل میری
ان میں سمانا توبہ توبہ
جانا ان کا ایک قیامت
ان کا آنا توبہ توبہ
جسپال کور
نئی دلی،موبائل نمبر؛9891861497
