نعت
جشنِ سرکار جومناتے ہیں
خلد میں اپنا گھر بناتے ہیں
چاہنے والے میرے آقا کے
غم کی حالت میں مسکراتے ہیں
جس کو مہتاب کہتی ہے دنیا
انگلیوں پر نبیؐ نچاتے ہیں
ہم کو مت چھیڑ گردشِ دوراں
آنکھ سورج سے ہم ملا تے ہیں
حسن اخلاقِ مصطفےٰ ؐ دیکھو
زخم کھاتے ہیں مسکراتے ہیں
جس کو ٹھکرادیا ہو دنیا نے
اس کو آقا گلے لگا تے ہیں
منتظر ان کی ہے بہشتِ بریں
ماں کے قدموں کوجو دباتے ہیں
جو حسینی ہیں وہ تومقتل میں
سر ہتھیلی پہ لے کے جاتے ہیں
چھوڑ دیتے ہیں دانہ پانی،جب
کربلاوالے یاد آتے ہیں
ذکرِ آلِ نبی سے ہم زاہدؔ
دل کی دنیا کو جگمگا تے ہیں
محمد زاہد رضا بنارسی
دارالعلوم حبیبیہ رضویہ گوپی گنج بھدوہی
موبائل نمبر؛9451439786
آغوشِ محمد ﷺ
سوائے بارگاہِ رب کہیں راحت نہیں پائی
اگر پائی کہیں میں نے ، تو آغوشِ مُحمد ؐ میں
مُحمدؐ نام سُنتے ہی شیاطیں کانپ اُٹھتے ہیں
بَلَندی کے گُہَر پنہاں ہیں پاپوشِ مُحمدؐ میں
ابوبکرؓو عُمرؓ فاروق ، عُثماں ؓ حضرتِ حیدرؓ
گُلِ اَربع مُحبت کے ہیں گُلپوشِ مُحمدؓمیں
مُسلمانانِ ملت وادریغا ہوگئے مُنفک
جِراحِ یومِ اُحد دیکھو،لگے دوشِ مُحمدؐ میں
خلوصِ قلب سے بھیجی درودِ پاک کی ڈالی
خبر پہنچا میرے مولا ذرا گوشِ محمدؐ میں
طُفیل شفیع
گورنمنٹ میڈیکل کالج سرینگر
موبائل نمبر؛6006081653
نعتِ رسولِ محترم ﷺ
سکونِ قلب نامِ محمدؐ سے حاصل ہوا
آج شادماں شادماں میرا خستہ دل ہوا
کل تلک جو تھا نامکمل میرا وجود
آج نعتِ محمدیؐ سے زینتِ محفل ہوا
مِل گئی پاکیزگی خوشبویے محمدؐ سے مجھے
مُعطربہت مُعطر میرا آب وگِل ہوا
عِشقِ محمدؐ میں ڈوبا ہوا ہوں اِسطرح
میرا ہر گُناہ خود بخود زائیل ہوا
میری ہر نظر ہے بس طیبہ کی جانب
رواں دِل کا سفینہ سوئے منزل ہوا
کِتنا خوش نصیب ہے معصومؔ دلگیر
یہ بھی نعت گوئی کی صف میں شامل ہوا
ملک مُشتاق معصومؔ
حُسینی کالونی چھترگام
موبائل نمبر؛6005510692
نعتِ رسولِ محترم ﷺ
سکونِ قلب نامِ محمدؐ سے حاصل ہوا
آج شادماں شادماں میرا خستہ دل ہوا
کل تلک جو تھا نامکمل میرا وجود
آج نعتِ محمدیؐ سے زینتِ محفل ہوا
مِل گئی پاکیزگی خوشبویے محمدؐ سے مجھے
مُعطربہت مُعطر میرا آب وگِل ہوا
عِشقِ محمدؐ میں ڈوبا ہوا ہوں اِسطرح
میرا ہر گُناہ خود بخود زائیل ہوا
میری ہر نظر ہے بس طیبہ کی جانب
رواں دِل کا سفینہ سوئے منزل ہوا
کِتنا خوش نصیب ہے معصومؔ دلگیر
یہ بھی نعت گوئی کی صف میں شامل ہوا
ملک مُشتاق معصومؔ
حُسینی کالونی چھترگام
موبائل نمبر؛6005510692
