ڈوڈہ میں جرائم کا جائزہ لینے کیلئے ڈی آئی کی زیر صدات میٹنگ

 ڈوڈہ// ڈپٹی انسپکٹر جنرل ڈوڈہ۔ کشتواڑ۔رام بن رینج ڈاکٹر سنیل گپتا نے ڈی پی ایل کانفرنس ہال میں ڈسٹرکٹ ڈوڈہ یں جرائم کا جائزہ لینے کیلئے ایک اجلاس کی صدارت کی۔آمد پر ڈی آئی جی کو گارڈ آف آنر پیش کیا گیا۔ گارڈ آف آنر کے بعد ، ڈی آئی جی نے پریڈ گراؤنڈ میں دکھائے جانے والے امن و امان کے آلات کا معائنہ کیا اور کسی بھی چیلنج سے نمٹنے کے لیے ڈی پی ایل میں تیار رکھے ہوئے امن و امان کے دستوں سے بات چیت کی۔بعد ازاں ڈی آئی جی نے کرائم ریویو میٹنگ کی صدارت کی اور شروع میں ایس ایس پی ڈوڈہ ممتاز احمد نے انہیں سیکورٹی منظر ، عسکریت پسندی کے ساتھ ساتھ ضلع میں جرائم کے منظر نامے سے آگاہ کیا۔ اجلاس میں ایڈیشنل ایس پی بھدرواہ ، عبدالقیوم ، اے ایس پی ہیڈکوارٹرز ماسٹر پوپسی اور تمام نگران افسران نیز ضلع کے تمام ایس ایچ اوز نے شرکت کی۔ڈی آئی جی نے ہر زیر تحقیق کیس کا مفصل جائزہ لیا ، مفروروں ، لاپتہ افراد وغیرہ کے خلاف انکوائری اور مقدمات کو جلد اور وقت کے ساتھ نمٹانے کے لیے ضروری ہدایات جاری کیں۔اس کے علاوہ اجلاس میں موجود تمام افسران کو ہدایت کی گئی کہ وہ آپریشن سنجیوانی (منشیات کے خلاف جنگ) کے 5 نکاتی پروگرام ، آپریشن پاٹھ شالہ (طلباء کے ساتھ تعامل اور کیریئر کونسلنگ) ، آپریشن کامدھنو (بوائین اسمگلنگ کے خلاف) ، آپریشن بچاؤ (کم سے کم سڑک حادثات اور ریسکیو آپریشن میں نوجوانوں کو شامل کرنا اور انہیں تربیت دینا)کوتیز کریں۔تمام شرکا کو ہدایت کی گئی کہ وہ لگن کے ساتھ کام کریں اور ایک دوسرے کے درمیان قریبی ہم آہنگی کو برقرار رکھیں ، پی سی پی جی کی باقاعدہ میٹنگیں منعقد کریں تاکہ عام لوگوں کے ساتھ قریبی تعلق قائم ہو۔ ڈی آئی جی ڈی کے آر رینج نے افسران پر زور دیا کہ وہ عام لوگوں کے ساتھ اچھے تعلقات استوار کریں اور خلاف ورزی کرنے والوں/مجرموں کے خلاف سخت کارروائی کریں۔