مزید خبریں

 جموں//نیشنل ہائی ویز اتھارٹی آف انڈیا (این ایچ اے آئی) کے عہدیداروں نے جموں میں تجاوزات کے خلاف مہم جاری رکھی جس میں انہوں نے راجیو کالونی چوک سے ملک مارکیٹ پر لگ بھگ 15 عارضی شیڈ ہٹائے۔اس مہم کا آغاز جمعرات کو کیا گیا۔ این ایچ اے آئی کے عہدیداروں نے مقامی پولیس کے تعاون سے انسداد تجاوزات مہم چلائی جس میں تقریبا ً 15 عارضی ڈھانچے ، پیدل راستے وغیرہ تھے اور جے سی بی مشینوں کے ذریعے ہٹا دیے گئے۔ایک عہدیدار نے کہا ، "وہ لوگ جو اپنی حد سے آگے آئے تھے اور مبینہ طور پر این ایچ اے آئی کی جائیداد میں تجاوز کرچکے تھے لیکن انہوں نے اپنی تجاوزات کو نہیں ہٹایا جس کے بعد یہ مہم چلائی گئی۔"عہدیدار نے کہا کہ "زیادہ تر معاملات میں ، انہوں نے این ایچ اے آئی سے اجازت نہیں لی تھی‘‘۔

 

 

 جموں// جموں و کشمیر یو ٹی کے مختلف حصوں سے سرپنچوں کا ایک گروپ دیہی ترقی اور پنچایتی راج کے زیر اہتمام 7 روزہ مشاہداتی دورے کے لیے روانہ ہوا۔اس پروگرام کے تحت یو ٹی سے منتخب سرپنچ ملک بھر میں پنچایتی نظام کے بہترین طریقوں کو سمجھنے کے لیے مختلف ریاستوں کا سفر کریں گے۔ اس سے انہیں پنچایتوں کی ترقی اور مضبوطی کے لیے چلائے جانے والے موجودہ طریقوں کو سمجھنے میں مدد ملے گی اور مختلف پنچایتوں کے ذریعہ چلائے جانے والے بہترین کاموں اور پروگراموں کے لیے قیمتی نمائش حاصل ہوگی۔42 سرپنچوں کے اس طرح کے پہلے نمائشی دورے کو آج پنچایتی بھون سے پنچایتی راج سے ڈائریکٹر راکیش سرنگل اور ڈائریکٹر دیہی ترقی کشور سنگھ چب نے روانہ کیا۔اس موقع پر خطاب کرتے ہوئے راکیش سرنگل نے کہا کہ یہ نمائشی دورے جموں و کشمیر صوبوں کے سرپنچوں کو دوسری ریاستوں سے سیکھنے اور انہیں بااختیار بنانے میں مددگار ثابت ہوں گے۔ یہ جموں و کشمیر کی ترقی کی کہانی کے لیے ایک سنگ میل ثابت ہوگا کیونکہ کوئی بھی ریاست/مرکز علاقہ گرامین وکاس کے بغیر ترقی نہیں کر سکتا۔ڈائریکٹر آر ڈی ڈی نے بھی اجتماع سے خطاب کیا اور اپنے خیالات کا اظہار کیا۔

 

جموں//اپنی پارٹی یوتھ ونگ صوبائی کارڈی نیٹر (جموں )وِپل بالی نے لیفٹیننٹ گورنر منوج سنہا سے اپیل کی ہے کہ جموں وکشمیر میں کھیل ڈھانچہ کی مادی ومالی پیش رفت کا جائزہ لیاجائے ۔ بالی نے کہاکہ لیفٹیننٹ گورنر کو متعلقہ محکمہ کے افسران کو ہدایات جاری کرنی چاہئے کہ جموں وکشمیر میں کھیل ڈھانچہ کی تعمیر وترقی کے لئے شروع کئے گئے پروجیکٹوں کی مقررہ مدت کے اندر تکمیل یقینی بنائی جائے۔ انہوں نے کہاکہ تمام اسٹیڈیم لوگوں کے لئے دستیاب ہونے چاہئے اور اُس میں بیٹھنے کا بھی معقول انتظام ہو۔ بیت الخلاء کے علاوہ معذور افراد اور کھلاڑیوں کے لئے بھی خصوصی سہولیات ہوں۔ انہوں نے کہاکہ حکومت کو چاہئے کہ جموں وکشمیر میں قومی سطح کا کھیل ڈھانچہ مہیا کیاجائے تاکہ نوجوان ہر سطح پر مقابلہ کے لئے خود کو تیار کرسکیں۔ انہوں نے لیفٹیننٹ گورنر سے گذارش کی کہ جاری پروجیکٹوں کوتیزی کے ساتھ مکمل کیاجائے اور جوابھی زیر غور ہیں کو بھی جلد عملی جامہ پہنایاجائے۔ انہوں نے ہاکی فیلڈ، نیٹ پریکٹس، پختہ بیڈمنٹن کورٹس، باسکٹ بال، والی بال کوٹ اور ایتھلیٹک فیلڈ قائم کی جائے اور کھیل کود ڈھانچہ کو فروغ دینے کے لئے اگر ضرورت پڑے تو ماہرین کی بھی خدمات حاصل کی جائیں۔