پونچھ//زمینوں کے ریکارڈوں کو آن لائن کرنے اورجدید طریقہ کار اپنانے کے سلسلے میں ضلع ترقیاتی کمشنر پونچھ طارق احمد زرگر کی قیادت میں ان کے دفتر کے کانفرنس ہال میں ایک ورکشاپ منعقد کیاگیا ۔اس موقعہ پر علاقائی ڈائریکٹر، سروے اور لینڈ ریکارڈز شوکت حسین کاظمی، ایس ڈی ایم مینڈھر راہل یادو، اے سی آر پونچھ اشرف چوہدری، تحصیلدار اور دیگر حکام بھی موجود تھے۔شوکت کاظمی نے شرکاء کو اس منصوبے کے مختلف اجزاء کی جانکاری دیتے ہوئے بتایاکہ ڈیجیٹل طریقہ کے تحت زمینی ریکارڈز کو کیسے آن لائن کیا جاسکتاہے ۔اس موقعہ پر موجود تکنیکی ماہر ڈاکٹر رانا سنگھ نے اسکیننگ کی پروسیسنگ ، خسرہ انڈسٹرینگ، ٹیکسٹائل کے اعداد و شمار کے ڈیٹا انٹری، قدیمہ نقشے کے ڈیجیٹلائز کرنے کے بارے میں پاور پوائنٹ پریزینٹیشن پیش کی۔انہوں نے افسران کو بھی جدید پروگرام سے واقف کیا۔ضلع ترقیاتی کمشنر پونچھ طارق احمد زرگر نے آمدنی کے ریکارڈوں کو اپ ڈیٹ کرنے پر زور دیتے ہوئے کہا کہ اس پروجیکٹ کو بروقت پائے تکمیل پہنچایا جائے۔انہوںنے کہاکہ ایسے مزید پروگرام منعقد کرکے جانکاری فراہم کی جائے ۔
زمینوں کے ریکارڈ کی تجدید کاری پر ورکشاپ
ملک و جہان کی خبروں سے رہیں اپڈیٹ
نیوز لیڑ ای میل پر پائیں
