صورہ میں سڑک دب جانے سے ٹریفک کی آواجاہی میں خلل

 سرینگر//صورہ میں سکمززنانہ ہسپتال کے باہرسڑک درمیان میں دب جانے سے گاڑیوں کی نقل و حرکت متاثرہورہی ہے ۔صورہ کے مین بس سٹاپ کے پاس صورہ بڑھ پورہ سڑک درمیان میں دب جانے سے ٹرانسپورٹروں کو پریشانی ہورہی ہے ۔ صبح اورشام کوٹریفک کا رش ہوتا ہے اور سڑک پر کھڈبن جانے سے یہاں جام بھی لگ جاتا ہے۔مقامی لوگوں اور دکانداروں کے مطابق سڑک کے نیچے سے پانی سپلائی کی پائپ لائن گزرتی ہے اورآج تک کئی مقامات پر اس سے قبل بھی اس پر گزرنے والی سڑک دب جاتی ہے جس کی مرمت کرنے جلد نہیں ہوپاتی ہے اورعام لوگوں کو پریشانیوں کا سامنا کرنا پڑتا ہے۔صورہ ٹریڈ فیڈریشن کے صدر محمد اشرف نے کشمیر عظمی کو بتایا کہ "اس سے پہلے بھی صورہ بڑھ پورہ سڑک کئی مقامات پر دب گئی جسے ٹھیک کرنے میں کئی ماہ لگے جس وجہ سے گھنٹوں اس سڑک پر ٹریفک جام لگ جاتا تھا ۔انہوں نے کہا کہ زنانہ ہسپتال میں اکثر و بیشتر ناک حالت میں مریضوں کو لایا جاتا ہے اور ہسپتال کے باہر ہی سڑک دب گئی ہے اور اسکی فوری مرمت کی ضرورت ہے۔