سکولی تعلیم میں بہتری بی بی ویاس نے روڑ میپ کی عمل آوری کا جائزہ لیا

جموں/ /چیف سیکرٹری بی بی وِیاس نے ریاست میں سکولی تعلیم میں بہتری لانے کے لئے روڑ میپ کی عمل آوری کا جائزہ ایک ویڈیو کانفرنس کی صدارت کرتے ہوئے لیا۔سیکرٹری سکول ایجوکیشن ، ڈائریکٹر سکول ایجوکیشن ، مشن ڈائریکٹر آر ایم ایس اے ، مشن ڈائریکٹر ایس ایس اے اور دیگر سینئر افسران نے میٹنگ میں شرکت کی۔روڑ میپ سکولی تعلیم نظام میں موجود خلیج کی نشاندہی کرنے کے لئے تیار کیا گیا ہے اور سکولوں میں تعلیم کے معیار میں بہتری لانے کے معاملے سے نمٹنے کے لئے بھی مرتب کیا گیا ہے۔اس روڑ میپ کے مدنظر چیف سیکرٹری نے اساتذہ ، سکولوں کے بنیادی ڈھانچے ، کیئریر کونسلنگ اور کمیونٹی انوالومنٹ پر زور دیا۔سیکرٹری سکول ایجوکیشن نے روڑ میپ کی عمل آوری کے بارے میں تفصیلی خاکہ پیش کیا۔ انہوںنے کہاکہ محکمہ نے بچو ں کیئر یر کونسلنگ کے علاوہ سیاحت و دیگر شعبو ں میں تربیت فراہم کرنے کے لئے غیر سرکاری تنظیموں کی خدمات حاصل کی ہیںجنہیں ریاست کے 352سکولوں میں متعارف کیا گیا ہے ۔انہوںنے کہا کہ پہلی بار پائیلٹ بنیاوں پر سکول تعلیمی محکمہ این جی اوز کے تعاون سے بچوں کیلئے پری پرائمری کلاس اور مڈ ڈے میلز پروگرام کی عمل آوری یقینی بنا رہا ہے ۔انہوں نے مزید کہا کہ سکولی تعلیم کا محکمہ بہت جلد سکولوں کے لئے چھٹیوں کا ایک خصوصی کیلنڈر کا جاری کرے گا۔