عظمیٰ نیوزسروس
نئی دہلی//وزیر داخلہ امت شاہ نے منگل کو کہا کہ لداخ نے کوآپریٹو تحریک کو مضبوط بنانے میں اہم پیش رفت کی ہے اور مرکز نے اب تک 10پرائمری ایگریکلچرل کریڈٹ سوسائٹیز کو کمپیوٹرائزیشن کی منظوری دی ہے۔راجیہ سبھا میں ایک تحریری جواب میں وزیر نے کہاکہ 2011کی مردم شماری کے مطابق، لداخ کی کل آبادی 2,74,289ہے، جس میں 2,12,280دیہی آبادی بھی شامل ہے۔یونین ٹیریٹری 169پرائمری ایگریکلچرل کریڈٹ سوسائٹیزکے زیرِ انتظام ہے، جن میں سے 129فی الحال فعال ہیں اور پرائمری ایگریکلچرل کریڈٹ سوسائٹیزسے متعلقہ سرگرمیوں میں مصروف ہیں۔شاہ نے کہا’’لداخ نے بہت کم آبادی والا خطہ ہونے کے باوجود اپنے تعاون پر مبنی منظر نامے کو مضبوط بنانے میں اہم پیش رفت کی ہے؛ لداخ میں ہر پنچایت کے پاس ایک آپریشنل پرائمری ایگریکلچرل کریڈٹ سوسائٹی ہے‘‘۔پرائمری ایگریکلچرل کریڈٹ سوسائٹیزکی کمپیوٹرائزیشن پروجیکٹ کے فیزاول کے تحت اب تک لداخ کے 10پی اے سی ایس کو کمپیوٹرائزیشن کے لیے منظوری دی گئی ہے، پانچ لیہہ اور کرگل سے۔نیز، یوٹی انتظامیہ نے پرائمری ایگریکلچرل کریڈٹ سوسائٹیزکی کمپیوٹرائزیشن پروجیکٹ کے فیز 2میں کمپیوٹرائزیشن کے لیے اضافی 23پرائمری ایگریکلچرل کریڈٹ سوسائٹیزکی تجویز پیش کی ہے۔شاہ نے کہا’’سہکار سے سمردھی” کے قومی وژن کے مطابق کوآپریٹو تحریک کو گہرا اور وسعت دینے کے لیے، لداخ نے پرائمری ایگریکلچرل کریڈٹ سوسائٹیزکے لیے ماڈل بائی لاز کو اپنایا ہے، جس سے وہ شفافیت، جوابدہی، اور گورننس کو بڑھاتے ہوئے 25سے زیادہ متنوع کاروباری سرگرمیاں کرنے کے قابل بناتے ہیں‘‘۔انکاکہناتھا کہ اب، پی اے سی ایس پی ایم-کسان سمردھی کیندر، پردھان منتری بھارتیہ جنو شدھی کیندراور کامن سروس سینٹرز (سی ایس سی) کے طور پر کام کر سکتا ہے۔وزیر نے کہا’’فی الحال 10پرائمری ایگریکلچرل کریڈٹ سوسائٹیزنے پی ایم جن اوشدھی کیندر کھولنے کے لیے درخواست دی ہے، اور 7پرائمری ایگریکلچرل کریڈٹ سوسائٹیز پہلے ہی لداخ میں سی ایس سی خدمات فراہم کر رہی ہیں‘‘۔
