مخالفین مودی کے نام کا استعمال سستی شہرت بٹورنے کیلئے کرتے ہیں :ڈاکٹرجتندرسنگھ

ادہم پور//کانگریس اوردیگرحزب اختلاف پارٹیوں کوآڑے ہاتھوں لیتے ہوئے مرکز ی وزیرڈاکٹرجتندرسنگھ نے کانگریس کی جانب سے لوک سبھاکے اجلاس میں روڑے اٹکانے کے خلاف گول مارکیٹ ادہم پورمیں بھوک ہڑتال پربیٹھے بی جے پی ورکروں سے خطاب کرتے ہوئے کہاکہ چھوٹے چھوٹے گروپوں اورپارٹیوں جن کی عوام میں کوئی ساکھ نہیں ہے،وزیراعظم مودی اوربی جے پی ممبران لوک سبھاکی بے جانکتہ چینی کرنامعمول بن گیاہے ۔انہوں نے کہاکہ مخالفین وزیراعظم مودی کوبے جاتنقیدکانشانہ سستی شہرت کیلئے بناتے ہیں۔ڈاکٹرجتندرسنگھ نے کہاکہ دیویکاندی جوکہ صدیوں سے قصبہ ادہم پورکے ساتھ بہتی ہے ،مودی حکومت نے اس کی صفائی اوراسے جاذب نظربنانے کیلئے 170.50کروڑروپے منظورکئے،ادہم پورمیں ریڈیوسٹیشن کاقیام عمل میں لایاگیا۔ انہوں نے استفسارکیاکہ آج تک یہ پارٹیاں خاص طورسے کانگریس اس ندی کی صفائی کیلئے رقومات منظورکیوں نہ کراسکی۔ انہوں نے کہاکہ بی جے پی کی روزبروزبڑھ رہی عوامی مقبولیت کی وجہ سے یہ پارٹیاں بوکھلاہٹ کے عالم میں اُلٹے سیدھے بیانات دے رہی ہیں۔