شوکت حمید
منی مرگ // وزیر اعلیٰ عمر عبداللہ نے منگل کو مرکزی وزیر نتن گڈکری سے اپیل کی کہ وہ کرگل سے براہ راست ہوائی رابطہ شروع کرنے کے لیے اپنا اثر و رسوخ استعمال کریں۔ زوجیلا ٹنل کی بریک تھرو تقریب سے خطاب کرتے ہوئے عبداللہ نے لداخ کے لوگوں کو ہمہ موسمی رابطے کے خواب کی تعبیر کے قریب پہنچنے پر مبارکباد دی۔عبداللہ نے کہا، “میں لداخ کے لوگوں کو مبارکباد دیتا ہوں اور گڈکری اور وزارت میں ان کے افسران کا اس پیش رفت کے لیے شکریہ ادا کرتا ہوں، جو ہمیں ہر موسم کے رابطے کے خواب کے قریب لے جائے گا،” ۔
وزیر اعلیٰ نے تاہم کہا کہ جب کہ لداخ کے لوگوں کا ایک خواب پورا ہونے کے قریب ہے، دوسرا کرگل سے براہ راست اور باقاعدہ ہوائی رابطہ کا ابھی شکل اختیار کرنا باقی ہے۔انہوں نے کہا”ایک اور خواب کو پورا کرنے کی ضرورت ہے، یعنی کرگل کے لیے باقاعدہ اور براہ راست فضائی سروس، میں نے کوشش کی تھی لیکن کوئی کامیابی نہیں ملی، یہ کرگل کے لوگوں کا ایک اور دیرینہ مطالبہ ہے،” ۔ مرکزی وزیر گڈکری سے اپیل کرتے ہوئے عبداللہ نے کہا، “آپ ایک متحرک شخص ہیں، اور عمل کرنے والے ہیں، اس لیے میں آپ سے درخواست کرتا ہوں کہ براہ کرم اس خواہش کو پورا کرنے میں مدد کے لیے اپنا اثر و رسوخ استعمال کریں۔ انہوں نے یہ بھی کہا کہ بہت سے لوگوں نے اس پراجیکٹ کا خواب دیکھا تھا لیکن اسے شرمندہ تعبیر نہیں کر سکے۔انہوں نے اس امید کا بھی اظہار کیا کہ منصوبے پر باقی ماندہ کام جلد از جلد مکمل کر لیا جائے گا تاکہ ٹنل مکمل طور پر فعال ہو جائے۔
