آئرلینڈ کی جنوبی افریقہ کے خلاف تاریخی جیت

ڈبلن //ٹیم کے سبھی کھلاڑیوں کی شاندار کھیل کی بدولت آئرلینڈ نے یہاں منگل کو دوسرے ون ڈے میچ میں جنوبی افریقہ کو 43 رن سے شکست دے کر تاریخ رقم کی۔ اس سے قبل آئرلینڈ نے جنوبی افریقہ کے خلاف پانچ ون ڈے میچ کھیلے ہیں اور سب ہار چکے ہیں۔ ایسی صورتحال میں آئرلینڈ نے یہ میچ جیت کر تاریخ رقم کی ہے ۔ جنوبی افریقہ کے خلاف ٹاس ہارنے کے بعد بیٹنگ کا فیصلہ کرتے ہوئے آئرلینڈ نے مقررہ 50 اوورز میں پانچ وکٹوں کے نقصان پر 290 رنز کے مشکل اسکور بنائے ۔ جواب میں جنوبی افریقہ 48.3 اوورز میں 247 رنز بنا کر آؤٹ ہوگئی۔ اوپنر پال اسٹرلنگ اور کپتان اینڈی بلبیرنی نے آئر لینڈ کو عمدہ آغاز فراہم کیا۔ دونوں نے پہلی وکٹ کے لئے 64 رنز کی شراکت کی۔ سٹرلنگ کے 27 رنز پر آؤٹ کرنے کے بعد کپتان بلبیرنی نے اینڈی میک برائن کے ساتھ اننگز جاری رکھی اور دوسری وکٹ کے لئے 60 رنز کا اضافہ کیا ، لیکن میک برائن بھی 124 رنز بنا کر آؤٹ ہوئے اور پویلین لوٹ گئے ۔  اس کے بعد 194 کے اسکور پر کپتان کی وکٹ گر گئی۔ بلبیرنی نے 117 گیندوں میں 10 چوکوں اور دو چھکوں کی مدد سے 102 رن کی شاندار سنچری کھیلی۔ پھر آخر میں ہیری ٹیکٹر اور جارج ڈاکریل نے دھماکہ خیز انداز میں کھیل کر ٹیم کو 290 کے اسکور تک پہنچایا۔ دونوں کے مابین چوتھی وکٹ کے لئے 90 رنز کی ایک اہم شراکت قائم ہوئی۔ جب ٹیکٹر نے 68 گیندوں میں چھ چوکوں اور چار چھکوں کی مدد سے 79 رنز بنائے تو ڈوکریل نے 23 گیندوں پر پانچ چوکوں اور دو چھکوں کی مدد سے 45 رنز بنائے ۔ جنوبی افریقہ کی طرف سے اینڈیل پہلوکیو نے دو جبکہ کاگوسو ربادا ، کیشیو مہاراج اور تبریز شمسی نے ایک ایک وکٹ حاصل کی۔  یواین آئی