نوگام میں کار اور موٹر سائیکل کے مابین ٹکر، دو زخمی

سری نگر//سری نگر کے پہرو چوک نوگام میں جمعرات کی دیر رات ایک سڑک حادثے میں دو افراد زخمی ہو گئے۔
زرائع نے بتایا کہ ایک ماروتی کار زیرنمبر JK01M-4711 نوگام کے پہرو چوک کے قریب موٹر سائیکل زیر نمبر JK01AP-4137سے ٹکرا گئی۔
انہوں نے بتایا کہ اس واقعہ میں دو افراد شدید طور پر زخمی ہو گئے، جنہیں فوری طور پر ہسپتال منتقل کر دیا گیا۔
انہوں نے بتایا کہ زخمیوں کو علاج کے لیے ایس ایم ایچ ایس ہسپتال سری نگر میں داخل کیا گیا ہے۔
زخمیوں کی شناخت بلال احمد شیخ ولد غلام نبی سکنہ چیک پورہ کلاں اور جاوید احمد بھٹ ولد غلام محمد بھٹ سکنہ کنیہامہ کے طور پر ہوئی ہے۔
ایک عہدیدار نے کہا کہ حادثے میں ملوث گاڑی کو قبضے میں لے لیا گیا ہے جبکہ مزید تفتیش شروع کر دی گئی ہے۔