سرینگر میں تعینات فوجی اہلکار کی مبینہ طور پر خودکشی

عظمیٰ ویب ڈیسک
سرینگر//سرینگر کے بادامی باغ چھاؤنی میں تعینات ایک فوجی نے مبینہ طور پر اپنی سروس رائفل سے خودکشی کر لی۔
متوفی کی شناخت ستیاجیت کندھول کے طور پر ہوئی ہے، جو ہریانہ کے پانی پت کا رہائشی تھا۔ وہ واقعے کے وقت 20 راشٹریہ رائفلز (آر آر) ای کمپنی میں خدمات انجام دے رہا تھا۔
ابتدائی اطلاعات کے مطابق، فوجی نے خود کو گولی مار لی، تاہم اس انتہائی قدم کے پیچھے کی وجوہات تاحال غیر واضح ہیں۔
واقعے کی وجوہات جاننے کے لیے تحقیقات شروع کر دی گئی ہیں۔