عظمیٰ ویب ڈیسک
سری نگر/منشیات فروشوں کے خلاف مہم کو وسیع پیمانے پر جاری رکھتے ہوئے پولیس نے سری نگر میں تین منشیات فروشوں کے خلاف (پی آئی ٹی این ڈی پی ایس) کے تحت مقدمے درج کئے ہیں۔پولیس ترجمان نے اپنے ایک بیان میں کہا کہ سری نگر پولیس کے ذریعہ تیار کردہ ڈوزیئر کی بنیاد پر مجاز اتھارٹی سے باضابطہ نظر بندی کے احکامات حاصل کرنے کے بعد تین بد نام زمانہ منشیات فروشوں کے خلاف پی آئی ٹی این ڈی پی ایس ایکٹ کے تحت مقدمے درج کئے گئے۔
بیان میں منشیات فروشوں کی شناخت لیاقت علی بٹ ولد بشیر احمد بٹ ساکن کانہامہ اوقاف چوک نوگام، اشفاق احمد گبرو ولد علی محمد گبرو ساکن ہمدانیہ کالونی بمنہ اور عمر فیاض بٹ عرف عمر ولد فیاض احمد بٹ ساکن شالہ ٹینگ کے طورپر کی گئی ہے۔
انہوں نے کہا کہ ان منشیات فروشوں کو حراست میں لیا گیا اور بعد ازاں کوٹ بلوال جیل جموں اور ادھم پور جیل میں بند رکھا گیا۔بیان میں کہا گیا کہ کہ یہ منشیات فروش خطرناک پیمانے پر سری نگر کے نوجوانوں میں منشیات کی فروخت میں ملوث تھے اور اس کے علاوہ وہ سری نگر کے مختلف تھانوں میں این ڈی پی ایس ایکٹ کے کئی مقدمات میں بھی ملوث تھے۔
Police books three infamous drug peddlers under the PIT NDPS Act in Srinagar.
Lodged in Various Jails of the UT of J&K.
Continuing the relentless crackdown against drug trafficking and dismantling the illegal narcotics network, Srinagar Police has booked three infamous drug… pic.twitter.com/E0vxn4FPyb
— Srinagar Police (@SrinagarPolice) March 26, 2025
انہوں نے کہا کہ این ڈی پی ایس ایکٹ کے تحت متعدد مقدمات درج ہونے کے باوجود مذکورہ منشیات فروش اپنے حرکات سے باز نہیں آئے اور غیر قانونی منشیات کے نیٹ ورک کے ذریعے وادی بالخصوص سری نگر کے نوجوانوں میں ڈھٹائی سے منشیات کو فروغ دے رہے تھے۔
پولیس ترجمان نے بتایا کہ پولیس نے پی آئی ٹی این ڈی پی ایس ایکٹ کی دفعات کے تحت ان کی جائیدادوں کو قرق کرنے کی کارروائی بھی شروع کر دی ہے۔انہوں نے کہا کہ جموں و کشمیر پولیس قانون کی پوری طاقت کے ساتھ خطے میں منشیات فروشی کو ختم کرنے کے اپنے پختہ عزم کا اعادہ کرتی ہے۔
موصوف ترجمان کے مطابق پولیس منشیات کے کاروبار کے خاتمے اور ایک محفوظ، منشیات سے پاک معاشرے کو یقینی بنانے کے لیے پرعزم ہے۔انہوں نے کہا کہ منشیات کی سمگلنگ میں ملوث افراد کے خلاف سخت قانونی کارروائی کی جا رہی ہے جو کہ نوجوانوں کو منشیات کے استعمال کے خطرات سے بچانے کے لیے قانون نافذ کرنے والے اداروں کے پختہ عزم کی عکاسی کرتی ہے۔
