عام آدمی پارٹی کے رکن اسمبلی معراج ملک کے خلاف غیر ضمانتی وارنٹ جاری

عظمیٰ ویب ڈیسک
سرینگر/جموں کی ایک عدالت نے سابق وزیر غلام محمد سروری کی طرف سے دائر ہتک عزت کے مقدمے کے سلسلے میں عام آدمی پارٹی (اے اے پی) کے رکن اسمبلی معراج ملک کے خلاف غیر ضمانتی وارنٹ جاری کی ہے۔جموں کے اسپیشل ایکسائز موبائل مجسٹریٹ نے پولیس اسٹیشن گنڈوہ کے ایس ایچ او کو ہدایت دی ہے کہ وہ ملزم کو گرفتار کرکے 14 مئی کو عدالت میں پیش کریں۔
عدالت نے 17 مارچ کے اپنے حکم میں کہا ہےملزم معراج الدین ملک ولد شمس الدین ملک ساکن ٹنڈلہ ڈوڈہ پر تعزیرات ہند کی دفعہ 499 کے تحت جرم کا الزام لگایا گیا ہے۔ آپ کو مذکورہ ملزم کو گرفتار کرنے اور 17 مئی 2025 کو میرے سامنے پیش کرنے ہدایت دی جاتی ہے۔
ذرائع کے مطابق سرووری نے تعزیرات ہند (ہتک عزت) کی دفعہ 499 کے تحت جرم کی شکایت درج کرائی تھی اور ان کا دعویٰ ہے کہ معراج ملک نے سوشل میڈیا پر وائرل ہونے والی ویڈیو کلپس میں ان کے خلاف بدنیتی پر مبنی اور ہتک آمیز زبان استعمال کی ہے۔