ایل جی نے ڈل جھیل میں ’ہر گھر ترنگا‘ ریلی کو روانہ کیا

سرینگر// جموں و کشمیر کے لیفٹیننٹ گورنر منوج سنہا نے آج سری نگر کی ڈل جھیل میں ’ہر گھر ترنگا‘ ریلی کو جھنڈی دکھا کر روانہ کیا۔
لیفٹیننٹ گورنر جموں و کشمیر کے دفتر کے آفیشل ٹویٹر ہینڈل نے ٹویٹ کیا، “ڈل جھیل، سری نگر میں “ہرگھر ترنگا” ریلی کو جھنڈی دکھا کر روانہ کیا۔ یہ ملک کے نظریات اور امنگوں کا جشن ہے۔ میں ہر ایک سے اپیل کرتا ہوں کہ وہ 13 سے 15 اگست تک اپنے گھروں پر ترنگا لہرا کر اس مہم میں شامل ہوں “۔
تفصیلات کے مطابق لیفٹیننٹ گورنر نے ڈل جھیل میں ترنگا ریلی کو ہری جھنڈی دکھا کر روانہ کیا۔
ہر گھر ترنگا مہم مرکزی حکومت کی جانب سے”آزادی کا امرت مہوتسو”کے حصہ کے طور پر شروع کی گئی ہے۔ جس کا مقصد ملک کے ہر گھر کی چھت پر ترنگا لہرانا ہے۔