ادھم پور// مرکزی وزیر ہردیپ سنگھ پوری نے ہفتہ کو کہا کہ دفعہ 370 کی منسوخی کے بعد، جموں و کشمیر میں تمام شعبوں میں تیز رفتار ترقی ہو رہی ہے۔
ادھم پور میں ایک پروگرام کے موقع پر نامہ نگاروں سے بات کرتے ہوئے،مرکزی وزیرِ ہٹرولیم ہردیپ سنگھ پوری نے کہا کہ دفعہ 370 اور دفعہ 35 اے کی منسوخی کے بعد، جموں و کشمیر بھی تمام شعبوں میں بڑے پیمانے پر ترقی کا مشاہدہ کر رہا ہے۔
پوری نے کہا کہ یہ پچھلے دو سالوں میں جموں و کشمیر کا ان کا چھٹا دورہ ہے اور “ہم سیاحوں کی تعداد میں اضافہ، آئی آئی آئی ایم، ایمز، ہسپتالوں اور دیگر تعلیمی اداروں کے قیام پرت زور دے رہے ہیں”۔
اُنہوں نے کہا،”مجھے لگتا ہے کہ کچھ کام کچھ رکاوٹوں کی وجہ سے زیر التوا ہیں لیکن ترقی کو مزید تیز کرنے کے لئے ان کا خیال رکھا جا رہا ہے”۔
پوری نے کہا کہ دیویکا ندی پروجیکٹ، جس کی لاگت 190 کروڑ روپے ہے، اگلے تین ماہ کے اندر مکمل ہو جائے گا۔ انہوں نے کہا، “یہ شمالی بھارت کا پہلا دریا کی بحالی کا منصوبہ ہے جو یاتریوں اور سیاحوں دونوں کے لیے ایک منفرد منزل پیش کرے گا”۔
وزیر اعظم نریندر مودی کے امریکہ کے آئندہ سرکاری دورے کا حوالہ دیتے ہوئے، پوری نے کہا، “امریکہ کے ساتھ تعلقات میں کافی بہتری آئی ہے۔ (دورے کے دوران) بہت سے معاملات زیر بحث آئیں گے۔ دہشت گردی سے متعلق مسائل پر بات چیت ہو گی اور اگر دہشت گردی کے خلاف بین الاقوامی تعاون ہوتا ہے تو اس سے ہماری بہت سی ریاستوں کو یقیناً فائدہ ہوگا۔وزیر اعظم مودی صدر جو بائیڈن اور خاتون اول جل بائیڈن کی دعوت پر 21 سے 24 جون تک امریکہ کا دورہ کر رہے ہیں۔ وہ 22 جون کو ایک سٹیٹ ڈنر میں مودی کی میزبانی کریں گے۔ اس دورے میں 22 جون کو کانگریس کے مشترکہ اجلاس سے خطاب بھی شامل ہے۔
دہلی میں نہرو میموریل میوزیم اور لائبریری کا نام بدل کر پرائم منسٹرز میوزیم اینڈ لائبریری سوسائٹی رکھنے پر کانگریس کے اعتراضات پر مرکزی وزیر نے کہا کہ وہ حیران ہیں کہ مرکز کا نام ”صرف ایک وزیر اعظم“ کے نام پر رکھا گیا ہے۔ملک کے کتنے وزرائے اعظم تھے؟ انہوں نے کہا کہ میں صرف ایک وزیر اعظم کے نام پر مرکز کا نام رکھنے پر حیران ہوں۔
مرکزی وزیر نے کہا کہ اپوزیشن کے بارے میں کوئی کیا کہہ سکتا ہے؟ ایک نوجوان لیڈر لندن گیا اور کہا کہ 38 کروڑ ہندوستانی بھوکے ہیں۔ وزیر اعظم (کورونا وائرس) وبائی بیماری کے پھیلنے کے بعد سے 80 کروڑ لوگوں کو مفت خشک راشن فراہم کر رہے ہیں۔
انہوں نے کہا، “وہ غیر ذمہ دارانہ بیانات دے رہے ہیں “۔ آتشی نے جمعرات کو لندن میں کہا تھا کہ دنیا میں خوراک پیدا کرنے والا دوسرا سب سے بڑا ملک ہونے کے باوجود ہندوستان میں “سب سے زیادہ غذائیت کے شکار” لوگ ہیں۔
مرکزی وزیر پوری نے کہا کہ ملک بھر میں ترقیاتی کام ہو رہے ہیں۔ جب مودی نے 2014 میں اقتدار سنبھالا تو کہا گیا کہ شمال مشرقی خطہ سب سے زیادہ نظر انداز کیا گیا ہے لیکن انہوں نے اس بات کو یقینی بنایا کہ ہر وزیر ہر مہینے میں ایک بار اس خطے کا دورہ کرے تاکہ اس کی ترقی کو یقینی بنایا جا سکے۔
