عظمیٰ ویب ڈیسک
بانہال//سنٹرل ریزرو پولیس فورس (سی آر پی ایف) کے ایک اہلکار نے اتوار کو رام بن ضلع کے بانہال علاقے میں اپنی سروس رائفل سے خود کو گولی مار کر مبینہ طور پر خودکشی کر لی۔
پولیس ذرائع نے بتایا کہ بہار ریاست سے تعلق رکھنے والے سی آر پی ایف جوان، جو بانہال-قاضی گنڈ نویوگ ٹنل کی حفاظت کے لیے تعینات تھا، نے اپنی سروس رائفل سے خود کو گولی مار کر ہلاک کر لیا۔
انہوں نے کہا کہ اس کی لاش کو پوسٹ مارٹم کے لیے ایس ڈی ایچ بانہال منتقل کر دیا گیا ہے، جبکہ پولیس نے معاملے کا نوٹس لے لیا ہے۔
