عظمیٰ ویب ڈیسک

سرینگر// انسداد بدعنوانی بیورو (اے سی بی) نے جمعہ کو پانتھ چوک، سرینگر کے سٹیشن ہاوس آفیسر (ایس ایچ او) انسپکٹر عظیم اقبال کو رشوت طلب اور وصول کرنے کے الزام میں گرفتار کر لیا ہے۔
اے سی بی ترجمان نے بتایا کہ اے سی بی نے ایک شکایت پر کارروائی کی اور انسپکٹر عظیم اقبال کو رشوت لیتے رنگے ہاتھوں پکڑنے کے لیے جال بچھا دیا۔
انہوں نے کہا کہ شکایت موصول ہونے پر پولیس سٹیشن اے سی بی سنٹرل کشمیر میں پریوینشن آف کرپشن (پی سی) ایکٹ 1988 کے تحت ایف آئی آر درج کی گئی اور تحقیقات کا آغاز کیا گیا۔
ترجمان نے بتایا کہ اس کے مطابق ٹریپ ٹیم تشکیل دی گئی۔ ٹریپ ٹیم نے کامیاب جال بچھا کر عظیم اقبال کو موقع پر رشوت لیتے ہوئے رنگے ہاتھوں پکڑ لیا۔ رشوت کی رقم آزاد گواہوں کی موجودگی میں برآمد ہوئی۔
اُنہوں نے کہا کہ معاملے کی مزید تفتیش جاری ہے۔