عظمیٰ نیوز سرو س
کولکاتہ// مغربی بنگال اسمبلی انتخابات کے دوسرے مرحلے کے لیے کل ووٹ ڈالے گئے۔مغربی بنگال اسمبلی انتخابات میں ووٹر ٹرن آو¿ٹ91.41% فیصد سے تجاوز کر گیا، سی ای سی نے اب تک کے سب سے زیادہ ووٹر ٹرن آو¿ٹ کی تعریف کی۔ چیف الیکشن کمشنر گیانیش کمار نے بدھ کے روز کہا کہ مغربی بنگال میں ووٹنگ کے پہلے دو مرحلوں کے دوران ریکارڈ توڑ ٹرن آؤٹ دیکھنے میں آیا، جو آزادی کے بعد سب سے زیادہ شرکت کی سطح ہے۔انہوں نے کہا، مغربی بنگال میں مرحلہ اول اور دوم دونوں میں آزادی کے بعد سب سے زیادہ ووٹنگ فیصد درج کیا گیا ہے۔ 3.2 کروڑ سے زیادہ ووٹر 1,448 امیدواروں کی قسمت کا فیصلہ کریں گے۔ دوسرے مرحلے کے 142 حلقوں میں سے ترنمول کانگریس کو گزشتہ انتخابات میں 123 سیٹوں پر کامیابی ملی تھی جب کہ بی جے پی نے محض 18 سیٹیں حاصل کی تھیں۔ اگر ترنمول کانگریس اپنے 2021 کے نتائج کو دہراتی ہے تو ان کے لیے ایک بار پھر نبنا (ریاستی سکریٹریٹ) کے دروازے کھل جائیں گے۔ کل ہوگلی (18 سیٹوں)، ہاوڑہ (16)، کولکاتہ (11)، نادیہ (17)، شمالی 24 پرگنہ (33)، مشرقی بردھمان (16) اور جنوبی 24 پرگنہ (31) اضلاع میں ووٹنگ جاری ہے۔ اس دوسرے مرحلے میں کل 1,448 امیدوار انتخابی میدان میں ہیں۔ ان میں 218 خواتین امیدوار ہیں۔ 266 مسلم امیدوار ہیں جن میں سے 25 خواتین ہیں۔ ترنمول کانگریس نے اس مرحلے میں 21 سیٹوں پر مسلم امیدوار کھڑے کیے ہیں، جب کہ بی جے پی نے ایک سیٹ پر مسلم امیدوار کھڑا کیا ہے۔مغربی بنگال کے بہرام پور سے کانگریس کے امیدوار ادھیر رنجن چودھری نے کہا کہ، “یہ پہلا موقع ہے جب ہم ممتا بنرجی کو اپنے حلقے کے اندر ایک بوتھ سے دوسرے بوتھ پر جاتے ہوئے دیکھ رہے ہیں۔ ایسا پہلے کبھی نہیں ہوا۔
وہ بے چین دکھائی دے رہی ہیں۔ ان میں اپنی جیت پر اعتماد کا فقدان ہے۔بھبانی پور اور نندی گرام سے بی جے پی کے امیدوار سویندو ادھیکاری نے بھبانی پور کے جئے ہند بھون پولنگ بوتھ پر ٹی ایم سی کارکنوں پر حملے کا الزام لگاتے ہوئے کہا، “وہ ووٹر نہیں ہیں، وہ باہر کے لوگ ہیں، انہوں نے مجھ پر حملہ کرنے کی کوشش کی، سی آر پی ایف کو یہاں بھیج دو۔ میں اس جگہ کو اس وقت تک نہیں چھوڑوں گا جب تک یہاں سیکورٹی فورسز تعینات نہیں کی جاتیں۔ وہ ممتا کے غنڈے ہیں۔”بی جے پی امیدوار سویندو ادھیکاری نے الزام لگایا کہ ان پر ٹی ایم سی کارکنوں نے حملہ کیا۔ اس کے بعد بھبانی پور میں جے ہند بھون پولنگ بوتھ پر پولیس نے لاٹھی چارج کر دیا۔الیکشن کمشنر نے کہا کہ اگر کسی بٹن کو ٹیپ کرنے اطلاعات سامنے آتی ہیں تو اس معاملے کی تصدیق کی جانی چاہیے اور اسے نوٹ کرنا ضروری ہے۔ اگر ایسی رپورٹیں درست ثابت ہوئیں تو ان مخصوص بوتھوں پر دوبارہ پولنگ کرائی جائے گی۔
