یواین آئی
واشنگٹن// امریکہ نے اٹلی کو جوائنٹ ایئر ٹو سرفیس اسٹینڈ آف (جے اے ایس ایس ایم) میزائل اور متعلقہ آلات فروخت کرنے پر رضامندی ظاہر کی ہے۔ اس معاہدے کی تخمینہ لاگت 301 ملین امریکی ڈالر ہے۔یو ایس ڈیفنس سیکیورٹی کوآپریشن ایجنسی (ڈی ایس سی اے) نے ایک بیان میں کہا، “محکمہ خارجہ نے اٹلی کی حکومت کو توسیعی فاصلے کے جے اے ایس ایس ایم میزائلوں اور متعلقہ آلات کی ممکنہ غیر ملکی فوجی فروخت کی منظوری دے دی ہے۔ ضروری نوٹیفکیشن کانگریس کو بھیج دیا گیا ہے۔”قابل ذکر ہے کہ اطالوی حکومت نے امریکہ سے 100وسیع فاصلے تک مار کرنے والے جے اے ایس ایس ایم میزائل خریدنے کی درخواست کی ہے جس کی کل لاگت 301 ملین ڈالر بتائی گئی ہے۔ڈی ایس سی اے نے کہا کہ یہ مجوزہ فروخت امریکہ کی خارجہ پالیسی کے اہداف اور قومی سلامتی کے مقاصد کی حمایت کرے گی، اٹلی کی سلامتی کو مضبوط بنا کر، جو کہ نیٹو کے اتحادی ہے جو یورپ میں سیاسی استحکام اور اقتصادی ترقی میں معاون ہے۔ایجنسی کے مطابق، اس فروخت سے اٹلی کی صلاحیتوں میں اضافہ ہو گا، جس سے وہ موجودہ اور مستقبل کے خطرات کا بہتر طور پر جواب دے سکے گا۔ یہ جدید، طویل فاصلے تک مار کرنے والے میزائلوں کو اٹلی اپنے لڑاکا طیاروں جیسا کہ ایف-35 پر استعمال کرے گا۔ ایجنسی نے امید ظاہر کی کہ اٹلی آسانی سے ان آلات اور خدمات کو اپنی فوج میں ضم کر دے گا اور اس فروخت سے خطے میں بنیادی فوجی توازن میں کوئی تبدیلی نہیں آئے گی۔امریکی محکمہ دفاع کے مطابق، اس فروخت میں کئی دیگر نان میزائل آلات بھی شامل ہوں گے، جیسا کہ جے ایس ایس ایم سے متعلقہ ٹیسٹ آلات، کنٹینرز، اسپیئر اور مرمت کے پرزے، تکنیکی اور لاجسٹک خدمات۔اس فروخت کے لیے بنیادی ٹھیکیدار اورلینڈو، فلوریڈا میں مقیم لاک ہیڈ مارٹن کمپنی ہوگی۔
