یو این آئی
ممبئی/شبھمن گل کی ہندوستانی ٹی 20 ٹیم میں واپسی ہوئی ہے اور انہیں آئندہ ایشیا کپ 2025 کے لئے نائب کپتان بنایا گیا ہے ۔ انگلینڈ کے خلاف ہندوستان کے آخری ٹی 20 میچ کھیلنے سے قاصر رہے سبھمن گل ابھیشیک شرما اور سنجو کے ساتھ 15 رکنی ٹیم میں منتخب کیے گئے تین اوپنرز میں سے ایک ہیں۔ یشسوی جیسوال اور شریاس ائر کو ٹیم میں جگہ نہیں ملی ۔چیف سلیکٹر اجیت اگرکر نے منگل کو ٹی 20 کپتان سوریہ کمار یادو کے ساتھ ایک پریس کانفرنس میں ٹیم کا اعلان کیا۔ آٹھ بار ایشیا کپ جیتنے والی ہندوستانی ٹیم اپنے ٹورنامنٹ کا آغاز 10 ستمبر کو دبئی انٹرنیشنل اسٹیڈیم میں متحدہ عرب امارات کے خلاف میچ سے کرے گی۔ایشیا کپ 2025 کے لیے ہندوستان کے 15 رکنی اسکواڈ میں شبھمن گل کو موقع دیا گیا ہے ۔ وہ ٹیم کے نائب کپتان بھی ہیں۔ ایشیا کپ کے لیے ٹیم کا اعلان ممبئی میں بی سی سی آئی ہیڈ کوارٹر میں سلیکشن کمیٹی کے اجلاس کے بعد کیا گیا ہے ۔ سوریہ کمار یادو کی قیادت والی ٹیم میں سنجو سیمسن اور ابھیشیک شرما کو بھی موقع دیا گیا ہے لیکن گل کو نائب کپتان بنائے جانے کے بعد امید کی جا سکتی ہے کہ وہ اننگز کا آغاز کر سکتے ہیں۔توقع تھی کہ ہندوستان یشسوی جیسوال یا شریاس ایر کو موقع دے سکتا ہے لیکن ایسا نہیں ہوا۔ جیتیش شرما کو دوسرے وکٹ کیپر کے طور پر ٹیم میں شامل کیا گیا ہے ۔ اس کے علاوہ فاسٹ باؤلنگ کے شعبے میں ہرشیت رانا کو موقع دیا گیا ہے ۔گل کی واپسی کا ذکر کرتے ہوئے کپتان سوریہ کمار یادیو نے کہااس نے (شبھمن گل) گزشتہ سال ٹی ٹوئنٹی ورلڈ کپ کے بعد ٹیم کی قیادت کی، جب ہم سری لنکا گئے تو وہ نائب کپتان تھے ، اس کے بعد ہم ٹیسٹ کرکٹ میں مصروف ہو گئے لیکن ان کی واپسی ہمارے لیے اچھی رہی۔ گزشتہ سال ٹی ٹوئنٹی ورلڈ کپ کے بعد یہ ایک بڑی سیریز ہے اور یہ ہمارے لیے اچھا موقع ہے ۔ٹیم: سوریہ کمار یادو (کپتان)، شبھمن گل (نائب کپتان)، سنجو سیمسن، ابھیشیک شرما، تلک ورما، رنکو سنگھ، ہاردک پانڈیا، شیوم دوبے ، کلدیپ یادو، اکشرپٹیل، جیتیش شرما، ہرشیت رانا، ارشدیپ سنگھ، ورون چکرورتی اور جسپریت بمراہ اسٹینڈ بائی: پرسید کرشنا، واشنگٹن سندر، دھرو جوریل، ریان پراگ اور یشسوی جیسوال
