ایم ایل اے ڈوڈہ مہراج ملک نے این سی کی قیادت والی حکومت سے حمایت واپس لے لی

عظمیٰ ویب ڈیسک
سرینگر/عام آدمی پارٹی کے رہنما اور ڈوڈہ سے ممبر اسمبلی مہراج ملک نے نیشنل کانفرنس کی قیادت والی موجودہ حکومتی اتحاد سے اپنی حمایت باضابطہ طور پر واپس لے لی ہے۔
انہوں نے اس فیصلے کی وجہ جموں و کشمیر کے عوام کی فلاح و بہبود اور اُن کا اعتماد قرار دیا ہے۔
سماجی رابطے کی ویب سائٹ ایکس (سابقہ ٹویٹر) پر ایک پوسٹ میں مہراج ملک نے کہا:
“میں، مہراج ملک، ایم ایل اے ڈوڈہ، این سی کی قیادت والی حکومت سے اپنی حمایت واپس لے رہا ہوں۔ یہ فیصلہ جموں و کشمیر کے عوام کے بہترین مفاد میں لیا گیا ہے، جن کا اعتماد اور فلاح ہمیشہ میری اولین ترجیح رہے گی۔