یو این آئی
نئی دہلی//پہلگام دہشت گردانہ حملے اور آپریشن سندور پر عالمی سفارتی حمایت حاصل کرنے کے لیے تشکیل دی گئی سات پارلیمانی ٹیمیں 21مئی سے 5جون تک 33ممالک کا دورہ کریں گی اور ان ٹیموں میں شامل 51سیاستدان اور 8 سفارت کار عالمی دہشت گردی کے ڈھانچے اور پاکستان میں موجود اس کے حامیوں کو دنیا کے سامنے بے نقاب کریں گے۔ذرائع کے مطابق بھارتیہ جنتا پارٹی کے نائب صدر بیجینٹ پانڈیا کی قیادت میں پہلا گروپ 23مئی کو بحرین، 25مئی کو کویت، 27مئی کو سعودی عرب اور 30مئی کو الجزائر کا دورہ کرے گا۔گروپ کے دیگر ارکان میں بی جے پی کے نشی کانت دوبے، بی جے پی کے فانگون کونیاک، بی جے پی کے ریکھا شرما، آل انڈیا مجلس اتحاد المسلمین کے اسد الدین اویسی، نامزد ستنام سنگھ سندھو اور غلام نبی آزاد ہیں۔ سابق خارجہ سکریٹری ہرش وردھن شرنگلا بھی اس گروپ کا حصہ ہوں گے۔بی جے پی کے ڈاکٹر روی شنکر پرساد کی قیادت میں دوسرا گروپ 25 مئی کو فرانس، 27مئی کو اٹلی، 29 مئی کو ڈنمارک، یکم جون کو برطانیہ اور 5جون کو جرمنی کا دورہ کرے گا۔ گروپ کے دیگر ارکان میں بی جے پی کے ڈاکٹر ڈی پورندیشوری، شیو سینا کی پرینکا چترویدی (ادھو ٹھاکرے)، غلام علی کھٹانہ، کانگریس کے ڈاکٹر امر سنگھ، بی جے پی کے سمک بھٹاچاریہ اور ایم جے اکبر ہیں۔ اس گروپ میں سفیر پنکج سرن بھی شامل ہوں گے۔جنتا دل یونائیٹڈ کے صدر سنجے جھا کی قیادت میں تیسرا گروپ 22 مئی کو جاپان، 24 مئی کو جنوبی کوریا، 27 مئی کو سنگاپور، 28مئی کو انڈونیشیا اور 31مئی کو ملائیشیا کا دورہ کرے گا۔ گروپ کے دیگر ارکان میں بی جے پی کی اپراجیتا سارنگی، ترنمول کانگریس کے یوسف پٹھان، بی جے پی کے برج لعل، بی جے پی کے برج لعل، سی پی آئی ایم کے جان بریٹاس ، بی جے پی کے پردھان برووا، بی جے کے ہیمانگ جوشی اور سلمان خورشید ہیں۔ سفیر موہن کمار بھی اس گروپ کا حصہ ہوں گے۔شیو سینا کے شری کانت ایکناتھ شنڈے کی قیادت میں چوتھا گروپ 21مئی کو متحدہ عرب امارات (یو اے ای)، 24 مئی کو کانگو، 28 مئی کو سیرا لیون اور 31مئی کو لائبیریا کا دورہ کرے گا۔ گروپ کے دیگر ارکان میں بی جے پی کے بنسوری سوراج، انڈین یونین مسلم لیگ کے ای ٹی محمد بشیر، بی جے پی کے اتل گرگ، بیجو جنتا دل کے سمت پاترا، بی جے پی کے منن کمار مشرا اوربی جے پی کے ایس ایس اہلووالیہ ہیں۔سفیر سوجن چنائے بھی اس گروپ میں شامل ہوں گے۔کانگریس کے ششی تھرور کی قیادت میں پانچواں گروپ 25مئی کو گیانا، 27مئی کو پانامہ، 29 مئی کو کولمبیا، 31مئی کو برازیل اور 3جون کو امریکہ کا دورہ کرے گا۔ گروپ کے دیگر ارکان میں لوک جن شکتی پارٹی کی شمبھاوی، جھارکھنڈ مکتی مورچہ کے سرفراز احمد،تیلگو دیشم پارٹی کے جی ایم ہریش بال یوگی، بی جے پی کے ششانک منی ترپاٹھی، بی جے پی کے بھونیشور کلیتا، شیوسینا کے ملند دیوڑا، اور بی جے پی کے تجیسویہ سوریہ ہیں۔ سفیر ترنجیت سندھو بھی اس گروپ میں شامل ہیں۔دراوڑ منیترا کزگم کے کنیموزی کروناندھی کی قیادت میں چھٹا گروپ 22 مئی کو روس، 25مئی کو سلووینیا، 27مئی کو یونان، 29مئی کو لٹویا اور 31مئی کو اسپین کا دورہ کرے گا۔
