یواین آئی
سلہٹ/بلیسنگ مزاربانی (چھ وکٹ) کے بعد برائن بینیٹ 54، بین کیورن 44اور ویسلے مادھویرے (ناٹ آؤٹ 19) کی شاندار اننگز کی بدولت زمبابوے نے پہلے ٹیسٹ میچ کے چوتھے دن بدھ کو بنگلہ دیش پر تین وکٹ سے تاریخی جیت درج کرائی۔ زمبابوے نے چار سال بعد ٹیسٹ میچ جیتا ہے اور چھ سال بعد بنگلہ دیش کو اس کے گھر میں شکست دے کر یہ تاریخی کارنامہ انجام دیا ہے ۔ اس کے ساتھ ہی زمبابوے نے دو ٹیسٹ میچوں کی سیریز میں 1-0 کی برتری حاصل کر لی ہے ۔ 174 کے ہدف کے تعاقب میں زمبابوے کی اوپننگ جوڑی برائن بینیٹ اور بین کرن نے پہلی وکٹ کی ریکارڈ شراکت 95کی۔ مہدی حسن میراز نے بین کران 44 کو آؤٹ کر کے شراکت توڑی۔ تیج الاسلام نے اس کے بعد نک ویلچ 10 کو اسٹمپ کے پیچھے کیچ کروایا۔ شان ولیمز (نو) کو میراز نے آؤٹ کیا۔ اس کے بعد میراز نے برائن بینیٹ 54 کو آؤٹ کرکے میچ میں اپنا کنٹرول مضبوط کرنے کی کوشش کی۔ تیج الاسلام نے بنگلہ دیش کو پانچویں کامیابی دلائی جب انہوں نے کپتان کریگ ارون 10 کو وکٹ کیپر جیکر علی کے ہاتھوں کیچ کرا دیا۔ نیاشا مایاوو 1 اور ویلنگٹن مساکاتزا 12 کو مہدی حسن میراز نے بولڈ کیا۔ لیکن تب تک بہت دیر ہو چکی تھی۔ زمبابوے نے 50.1 اوورز میں سات وکٹوں پر 174 رنز بنا کر تین وکٹوں سے میچ جیت لیا۔ ویسلے مادھویرے 19 اور رچرڈ اینگاروا (چار) ناٹ آؤٹ رہے ۔ بنگلہ دیش کی جانب سے مہدی حسن میراز نے پانچ اور تیج الاسلام نے دو وکٹیں حاصل کیں۔ اس سے قبل آج بنگلہ دیش نے کل کے اسکور 194 رنز چار وکٹ پر اپنی اننگز دوبارہ شروع کی۔ بلیسنگ مزارابانی نے صبح کے سیشن میں کپتان نظم ال شانتو 60 کو آؤٹ کر کے زمبابوے کو مضبوط آغاز فراہم کیا۔ اس کے بعد مہدی حسن میراز 11 بلے بازی کے لیے آئے اور وہ بھی مزاربانی کے ہاتھوں کیچ ہو گئے ۔ آج بنگلہ دیش نے زمبابوے کی مہلک باؤلنگ کے سامنے 61 رنز پر چھ وکٹیں گنوا دیں۔ رچرڈ اینگاروا نے تیج الاسلام 1 کو آؤٹ کیا۔ حسن محمود 12، خالد احمد0 کو ویلنگٹن مساکڈزا نے آؤٹ کیا۔ اس دوران ذاکر علی ایک اینڈ پکڑے ہوئے رنز بناتے رہے اور انہوں نے اپنی نصف سنچری مکمل کی۔ مزاربانی نے 80ویں اوور کی دوسری گیند پر ذاکر علی 58 کو آؤٹ کر کے بنگلہ دیش کی اننگز 255پر سمیٹ دی۔
