اشتیاق ملک
ڈوڈہ //ضلع ڈوڈہ کی تحصیل چلی پنگل کے گاؤں چالر میں گذشتہ شب آگ کی بھیانک واردات میں 4 منزلہ عمارت میں آگ لگنے سے بالائی 2 منزلیں مکمل طور خاکستر ہوئی ہیں جس میں 4 دوکانیں بھی شامل ہیں.اس دوران ایک موٹر سائیکل و سیکوٹی سمیت 6 گاڑیوں کو بھی نقصان پہنچا ہےـ
آگ کی ہولناک واردات میں لاکھوں روپے کی مالیت کا سامان جل کر راکھ ہوا ہے تاہم اس دوران کوئی جانی نقصان نہیں ہوا ہےـہے
ذرائع کے مطابق گذشتہ شب چالر گاؤں عبدالغنی ولد علیا ملک ساکنہ چالر کی 4 منزلہ عمارت سے اچانک آگ نمودار ہوئی اور کچھ ہی دیر میں پوری عمارت میں پھیل گئی ـ
اس دوران مقامی لوگ و پولیس کی ٹیم موقع پر پہنچی اور بچاؤ کاروائی شروع کی تاہم آگ کی اس بھیانک واردات میں 4 دوکانیں و بالائی دو منزلیں مکمل طور پر خاکستر ہوئیں اور عمارت کے نیچے حصے کو جزوی نقصان پہنچاـ
آگ کی ہولناک واردات سے ایک سیکوٹی و موٹر-سائیکل جال کر رکھ ہوئے جبکہ دو الٹو، ایک بلیرو و ایک ایکو گاڑی کو جزوی نقصان پہنچاـ
اس دوران فائر بریگیڈ گاڑی بھی جائے وقوعہ پر پہنچی اور آگ بجھانے میں مقامی لوگوں کی مدد کی ـ
علاقہ کے سیاسی و سماجی کارکن عبدالمجيد راہی نے کشمیر عظمیٰ کو بتایا کہ آگ کی ہولناک واردات سے غریب کنبے اجڑ گئے ہیںـ انہوں نے حکام سے متاثرہ کنبوں کی ہر ممکن مدد کرنے کی مانگ کی ہےـ
