عظمیٰ ویب ڈیسک
سری نگر/منشیات کے خلاف جنگ کو جاری رکھتے ہوئے پولیس نے شمالی کشمیر کے قصبہ سوپور میں ایک منشیات فروش کو گرفتار کرکے اس کی تحویل سے ممنوعہ مواد بر آمد کیا ہے۔ایک پولیس ترجمان نے اپنے ایک بیان میں کہا کہ پولیس اسٹیشن سوپور کی ایک پارٹی نے سپر بازار کے نزدیک بٹہ پورہ کراسنگ پر ایک ناکے کے دوران ایک شخص کو روکا۔
انہوں نے کہا کہ تلاشی کے دوران اس کی تحویل سے چرس جیسے مواد کی دو چھڑیاں بر آمد کی گئیں جس کے بعد اس کی گرفتاری عمل میں لائی گئی۔گرفتار شدہ کی شناخت آصف احمد شیخ ولد غلام محمد شیخ ساکن شاہ آباد سوپور کے طور پر کی گئی ہے۔
موصوف ترجمان نے بتایا کہ اس سلسلے میں پولیس اسٹیشن سوپور میں متعلقہ دفعات کے تحت ایک کیس درج کرکے مزید تحقیقات شروع کی گئی ہیں۔انہوں نے کہا کہ پولیس منشیات کی بیخ کنی کو یقینی بنانے کے لئے لوگوں سے تعاون کرنے کی اپیل کرتی ہے۔
سوپور میں منشیات فروش گرفتار، ممنوعہ مواد بر آمد:پولیس
