عظمیٰ ویب ڈیسک
سری نگر/محکمہ موسمیات کی پیش گوئی کے عین مطابق وادی کشمیر میں رک رک کر بارشیں ہو رہی ہیں اور یہ سلسلہ اگلے چوبیس گھنٹوں کے دوران جاری رہنے کا امکان ہے۔محکمے نے کسانوں سے کہا ہے کہ وہ 9 اور 10 اپریل کو اپنے کھیت کھلیانوں اور باغوں میں تمام آپریشنز معطل رکھیں۔
متعلقہ محکمے کے ایک ترجمان نے بتایا کہ وادی میں 9 اور 10 اپریل کو موسم ابر آلود رہنے کے ساتھ بیشتر علاقوں میں رک رک کر بارشیں ہوسکتی ہیں جبکہ پہاڑی علاقوں میں ہلکی برف باری بھی متوقع ہے۔
انہوں نے کہا کہ اس دوران کہیں کہیں 30 سے 40 کلو میٹر بھی گھنٹہ رفتار سے تیز ہوائیں بھی چل سکتی ہیں۔
ان کا کہنا ہے کہ 11 اپریل کو بھی موسم ابر آلود رہ سکتا ہے اور اس دوران صبح کے وقت پہاڑی علاقوں میں کہیں کہیں ہلکی برف باری یا بارشوں کا امکان ہے۔موصوف ترجمان نے بتایا کہ 12 اور 17 اپریل کو وادی میں موسم مجموعی طور پر خشک رہ سکتا ہے۔انہوں نے کہا کہ بعد ازاں وادی میں 18 سے 20 اپریل تک موسم ایک بار پھر خراب رہنے کا امکان ہے۔
محکمے نے اپنی ایڈوئزری میں مسافروں، سیاحوں اور ٹرانسپورٹروں سے کہا ہے کہ وہ ٹریفک ایڈوائزری پر عمل کریں جبکہ کسانوں سے کہا گیا ہے کہ وہ 9 اور 10 اپریل کو اپنے کھیت کھلیانوں اور باغوں میں تمام آپریشنز معطل رکھیں۔
کشمیر میں رک رک کر بارشوں کا سلسلہ جاری، اگلے 24 گھنٹوں کے دوران مزید بارشیں متوقع
