عظمیٰ ویب ڈیسک
سرینگر/ منیشات کے خلاف وسیع پیمانے پر جنگ کو جاری رکھتے ہوئے پولیس نے جنوبی کشمیر کے ضلع شوپیاں میں دو منشیات فروشوں کو گرفتار کرکے ان کی تحویل سے ممنوعہ مواد بر آمد کیا ہے۔
ایک پولیس ترجمان نے اپنے ایک بیان میں کہا کہ پولیس اسٹیشن شوپیاں کی ایک پارٹی نے ناگی شیرن کراسنگ پر ناکے کے دوران ہرمین سے شوپیاں کی طرف آ رہے ایک موٹر سائیکل زیر رجسٹریشن نمبر JK02C -8316 کو روکا۔
انہوں نے کہا کہ تلاشی کے دوران موٹر سائیکل کے فرسٹ ایڈ کٹ سے چرس جیسا ممنوعہ مواد بر آمد کیا گیا جس کے بعد اس موٹر سائیکل پر سوار دو افراد کو گرفتار کیا گیا۔
گرفتار شدگان کی شناخت محمد لطیف ملک ولد محمد یوسف ملک ساکن بونہ گام شوپیاں اور توصیف مشتاق ولد مشتاق احمد وگے ساکن نیو کالونی لارگام کے طور پر ہوئی ہے۔
بیان میں کہا گیا کہ اس ضمن میں پولیس اسٹیشن شوپیاں میں این ڈی پی ایس ایکٹ کے تحت ایک کیس درج کرکے مزید تحقیقات شروع کی گئیں۔
انہوں نے تمام شہریوں سے منشیات کی بیخ کنی کو یقینی بنانے کے لئے پولیس کو تعاون دینے کی اپیل کی ہے۔
شوپیاں میں 2 منشیات فروش گرفتار، ممنوعہ مواد بر آمد
