عاصف بٹ
کشتواڑ/ضلع کشتواڑ کے اندر ای-رکشا چلانے والوں کے خلاف آئے روز ناجائز کرایہ وصولنے کی شکایت موصول ہوتی ہے جسکو لیکر جہاں انتظامیہ سخت اقدامات کررہی ہے وہیں انکے خلاف کاروائی بھی عمل میں لائی جارہی یے۔
اسی طرح کا ایک اور واقعہ قصبہ کشتواڑ کے اندر پیش آیا جب ایک مسافر سے ای آٹو ڈارئیور نے صرف 5 کلومیٹر کے سفر کیلئے سواری سے 300روپے کرایہ وصول کیاـ
اے آر ٹی کو ایک شخص منکو رام ساکن ہلور کنتٹواڑہ سے ایک شکایت موصول ہوئی جسمیں شکایت گزار نے بتایا کہ کہ ای-آٹو زیرنمبرJK 17A-6051 تنویر احمد شیخ ولد نذیر احمد شیخ نے اسے صرف پانچ کلومیٹر سفر کے کیلئے 300 روپے کا کرایہ وصول کیا جس پر اسکے خلاف رجسٹریشن سرٹیفکیٹ کی منسوخی سے متعلق نوٹس جاری کی گی۔
اے آر ٹی او کشتواڑ تسلیم جاویدکی جانب سے جاری کردہ حکمنامے کے مطابق سپریم کورٹ آف انڈیا نے ان گاڑیوں کے ڈرائیونگ لائسنس و رجسٹریشن سرٹیفکیٹ کو معطل کرنے کی ہدایت کی ہے جو موٹر وہیکل ایکٹ و قواعد کی خلاف ورزی کر رہی ہیں ـ
تاہم انصاف کو یقینی بنانے کے لیے سماعت کا موقع فراہم کیا جاتا ہے کہ کہ کیوں نہ گاڑی مالک (ای-آٹو) نمبر JK17A-6051 کے رجسٹریشن سرٹیفکیٹ کو معطل نہ کیا جاتا۔ اس وجہ بتاؤ نوٹس کا جواب سات روز کے اندر متعلقہ دفتر تک پہنچ جانا چاہیے جس میں ناکام ہونے کی صورت میں یہ سمجھا جائے گا کہ مذکور کے پاس اپنے دفاع میں کہنے کے لیے کچھ نہیں ہے اور اس طرح رجسٹریشن کو بغیر کسی نوٹس کے معطل کر دیا جائے گاـ
پانچ کلومیٹرسفرکا 300 روپے کرایہ وصولنےکاای-رکشا ڈرائیور پرالزام
