یو این آئی
نئی دہلی//وزیر اعظم نریندر مودی نے کہا ہے کہ آل انڈیا ریڈیو پر نشر ہونے والے ان کے ماہانہ پروگرام من کی بات کی 116قسطیں نشر ہو چکی ہیں اور یہ خوشی کی بات ہے کہ اس سے لوگوں میں نئی توانائی پیدا ہو رہی ہے اور یہ اجتماعی طاقت کی زندہ دستاویز بن رہی ہے۔وزیراعظم نے کہا کہ آج کے من کی بات میں ہم نے سنا کہ کس طرح ہمارا ہندوستان تنوع میں اتحاد کے ساتھ آگے بڑھ رہا ہے۔ کھیل ہو یا سائنس، صحت ہو یا تعلیم، ہندوستان ہر شعبے میں نئی بلندیوں کو چھو رہا ہے۔ ہم نے ایک خاندان کی حیثیت سے مل کر ہر چیلنج کا سامنا کیا اور نئی کامیابیاں حاصل کیں۔ 2014سے لے کر اب تک من کی بات کی 116 اقساط میں میں نے دیکھا ہے کہ من کی بات ملک کی اجتماعی طاقت کا زندہ دستاویز بن گیا ہے۔ آپ سب نے اس پروگرام کو اپنایا ہے اور اسے اپنا بنایا ہے۔ ہر مہینے آپ اپنے خیالات اور کوششوں کا اشتراک کرتے ہیں۔ مودی نے کہا کہ کبھی میں کسی نوجوان جدت طراز کی کامیابیوں سے متاثر ہوتا تھا اور کبھی مجھے اپنی بیٹی کی کامیابیوں پر فخر ہوتا ہے۔ یہ آپ سبھی کی شرکت ہے جو ملک کے کونے کونے سے مثبت توانائی کو اکٹھا کرتی ہے۔ من کی بات اس مثبت توانائی کو بڑھانے کا ایک پلیٹ فارم بن گیا ہے، اور اب، 2025 قریب آ رہا ہے۔ آنے والے سال میں من کی بات کے ذریعے ہم مزید تحریک دینے کی اپنی کوششوں کو شیئر کریں گے۔ مجھے یقین ہے کہ ہم وطنوں کی مثبت سوچاور جدت طرازی کے جذبے سے ہندوستان نئی بلندیوں کو چھوئے گا۔ اپنے آس پاس کی انوکھی کوششوں کو من کی بات کے ساتھ بانٹتے رہیں۔ میں جانتا ہوں کہ اگلے سال من کی بات کی ہر قسط میں ہمارے پاس ایک دوسرے کے ساتھ شیئر کرنے کے لیے بہت کچھ ہوگا۔ آپ سبھی کو 2025 کی بہت بہت مبارکباد۔ صحت مند رہیں، خوش رہیں، فٹ انڈیا موومنٹ میں شامل ہوں، اپنے آپ کو بھی فٹ رکھیں۔ زندگی میں ترقی کرتے رہیں۔
تفریحی صنعت کاملک کی ترقی میں اہم رول
یو این آئی
نئی دہلی//وزیر اعظم نریندر مودی نے اتوار کو فلم اور تفریحی دنیا پر گفتگو کرتے ہوئے کہا کہ یہ صنعت نہ صرف ملک کی ترقی میں بڑا تعاون دیرہی ہے بلکہ ہماری معیشت کو بھی نئی بلندیوں پر لے جا رہی ہے۔ مودی نے کہا کہ من کی بات کا مطلب ہے اب بات کریں ایم کے بی میں کے ٹی بی کی، ان لوگوں میں جو عمر رسیدہ ہیں، بہت سے لوگوں کو کے ٹی بی کے بارے میں معلوم نہیں ہوگا لیکن صرف بچوں سے پوچھیں، کے ٹی بی ان میں ایک سپر ہٹ ہے۔ کے ٹی بی کا مطلب کرش، ٹرش اور بالٹی بوائے ہے۔ شاید آپ بچوں کی پسندیدہ اینی میشن سیریز جانتے ہوں گے اور اس کا نام کے ٹی بی ہندوستان ہے ہم ہے اور اب اس کا دوسرا سیزن بھی آ گیا ہے۔
یہ تین اینی میشن کردار ہمیں ہندوستانی آزادی کی جدوجہد کے ہیرو اور جاں بازوں کے بارے میں بتاتے ہیں جن پر زیادہ گفتگو نہیں ہوتی ہے۔ حال ہی میں اس کے سیزن 2 کو گوا کے انٹرنیشنل فلم فیسٹیول میں انتہائی خاص انداز میں لانچ کیا گیا تھا۔ سب سے شاندار بات یہ ہے کہ یہ سیریز نہ صرف ہندوستان کی کئی زبانوں میں بلکہ غیر ملکی زبانوں میں بھی نشر کی جاتی ہے۔ اسے دوردرشن کے ساتھ ساتھ دیگر او ٹی ٹی پلیٹ فارم پر بھی دیکھا جاسکتا ہے۔وزیراعظم نے من می بات میں مزید کہا کہ ہماری اینی میشن فلموں، باقاعدہ فلموں، ٹی وی سیریلز کی مقبولیت سے پتہ چلتا ہے کہ ہندوستان کی تخلیقی صنعت میں کتنی صلاحیت ہے۔ یہ صنعت نہ صرف ملک کی ترقی میں اہم کردار ادا کر رہی ہے بلکہ ہماری معیشت کو بھی نئی بلندیوں پر لے جا رہی ہے۔ ہماری فلم اور انٹرٹینمنٹ انڈسٹری بہت وسیع ہے۔ ملک کی بہت سی زبانوں میں فلمیں بنائی جاتی ہیں، تخلیقی مواد تخلیق کیا جاتا ہے۔ میں اپنی فلم اور انٹرٹینمنٹ انڈسٹری کو بھی مبارکباد دیتا ہوں کیونکہ اس سے ایک بھارت شریشٹھ بھارت کے جذبے کو تقویت ملی ہے۔
آئین کی تمہید پڑھ کر اپنا ویڈیو اپ لوڈ کریں
یو این آئی
نئی دہلی//وزیر اعظم نریندر مودی نے اتوار کو اپنے ماہانہ ریڈیو پروگرام ’من کی بات‘میں ہم وطنوں سے درخواست کی کہ وہ آئین ہند کے نفاذ کے 75سال مکمل ہونے کے موقع پر منعقد ہونے والی سرگرمیوں میں حصہ لیں۔انہوں نے کہا کہ 26 جنوری 2025 کو ہمارے آئین کو نافذ ہوئے 75 سال ہونے جا رہے ہیں۔ یہ ہم سب کے لیے بڑے فخر کی بات ہے۔انہوں نے کہا کہ ہمارے آئین سازوں نے جو آئین ہمیں سونپا ہے وہ وقت کی کسوٹی پر پورا اترا ہے۔ آئین ہماری رہنمائی کے لیے روشنی ہے۔ ہمارا رہنما ہے۔ یہ ہندوستان کا آئین ہی ہے جس کی وجہ سے میں آج یہاں ہوں، آپ سے بات کررہا ہوں۔انہوں نے کہا کہ 26 نومبر 2024 کو یوم آئین سے ایک سال تک چلنے والی بہت سی سرگرمیاں شروع ہوئی ہیں۔ ملک کے شہریوں کو آئین کے ورثے سے جوڑنے کے لیے کانسٹیٹیوشن75ڈاٹ کام کے نام سے ایک خصوصی ویب سائٹ بھی بنائی گئی ہے۔ اس میں آپ آئین کی تمہید پڑھ کراپنا ویڈیو اپ لوڈ کر سکتے ہیں۔وزیراعظم نے من کی بات پروگرام کی 117ویں قسط میں اپنے خطاب میں ہم وطنوں سے کہا کہ اس ویب سائٹ پر آپ مختلف زبانوں میں آئین پڑھ سکتے ہیں۔ آپ آئین سے متعلق سوالات بھی پوچھ سکتے ہیں۔لوگوں سے آئین کی تمہید کو پڑھنے اور اس سے جڑنے کی اپیل کرتے ہوئے، مسٹرمودی نے کہا، میں “من کی بات” کے سننے والوں، اسکول میں پڑھنے والے بچوں اور کالج جانے والے نوجوانوں سے درخواست ہے، اس ویب سائٹ پر ضرور جاکر دیکھیں، اس کا حصہ بنیں۔
قدیم تامل زبان کی توسیع ہندوستان کا فخر ہے
یو این آئی
نئی دہلی//وزیر اعظم نریندر مودی نے کہا ہے کہ دنیا میں ملک کی قدیم ترین زبان تمل بولنے والوں کی تعداد میں مسلسل اضافہ ہو رہا ہے اور یہ ہندوستان کے فخر کی علامت ہے۔ مودی نے اتوار کو آل انڈیا ریڈیو پر نشر ہونے والے اپنے ماہانہ پروگرام من کی بات میں کہا کہ یہ ہمارے لیے بڑے فخر کی بات ہے کہ دنیا کی سب سے قدیم زبان تمل ہے اور ہر ہندوستانی کو اس پر فخر ہے۔انہوں نے کہا دنیا بھر کے ممالک میں اسے سیکھنے والوں کی تعداد میں مسلسل اضافہ ہو رہا ہے۔ پچھلے مہینے کے آخر میں، حکومت ہند کے تعاون سے فجی میں ایک تامل تدریسی پروگرام شروع ہوا۔ پچھلے 80 سالوں میں یہ پہلا موقع ہے جب تربیت یافتہ تمل اساتذہ فجی میں اس زبان کو پڑھا رہے ہیں۔وزیر اعظم نے کہا مجھے یہ جان کر خوشی ہوئی ہے کہ آج فجی کے طلبا تمل زبان اور ثقافت سیکھنے میں بہت دلچسپی لے رہے ہیں۔
