یو این آئی

سرینگر// جموں وکشمیر کے گرمائی دارلخلافہ سری نگر کے بہاو الدین صاحب گوجوارہ علاقے میں آگ کی ایک ہولناک واردات میں تین رہائشی مکان خاکستر ہوئے ہیں۔
اطلاعات کے مطابق پیر کی اعلیٰ الصبح پائین شہر کے گنجان آبادی والے علاقے بہاو الدین صاحب میں آگ نمودارہوئی جس نے آناً فاناً تین رہائشی مکانوں کو لپیٹ میں لے لیا۔
معلوم ہوا ہے کہ فائر اینڈ ایمرجنسی اور مقامی لوگوں کی بروقت کارروائی کے نتیجے میں آگ پر قابو پایا گیا تاہم آتشزدگی کی اس واردات میں تین رہائشی مکان خاکستر ہوئے اور ان میں موجود لاکھوں روپیہ مالیت کی اشیاءبھی راکھ کے ڈھیر میں تبدیل ہوئی
فائر اینڈایمرجنسی کے ایک عہدیدار نے یو این آئی اردو کو بتایا کہ آج صبح پانچ بجکر دس منٹ پر بہاو الدین صاحب سری نگر میں آگ نمودار ہونے کی اطلاع ملتے ہی فائر اینڈایمرجنسی کے اہلکار جائے موقع پر پہنچے
انہوں نے کہاکہ دس فائر ٹینڈروں کی مدد سے آگ پرقابو پایا گیا۔
مذکورہ عہدیدار کا کہنا ہے کہ آگ کی وجوہات جاننے کی خاطر کیس درج کرکے تحقیقات شروع کی گئی ہے۔