عظمیٰ ویب ڈیسک

سرینگر// سرینگر بین الاقوامی ہوائی اڈے پر بم کی دھمکی ملنے سے منگل کی شام انڈیگو کی ایک فلائٹ میں تاخیر ہوئی۔
ذرائع نے بتایا کہ سرینگر ایئرپورٹ سے جموں جانے والی انڈیگو فلائٹ 6E 214 کو شام 7 بجے روانہ ہونا تھا، لیکن بم کی جھوٹی دھمکی کے باعث پرواز میں معمولی تاخیر ہوئی۔
ذرائع کے مطابق، “دھمکی موصول ہونے کے بعد سیکیورٹی پروٹوکول کو فعال کر دیا گیا اور پرواز کو کچھ وقت کے لیے مؤخر کر دیا گیا۔” تاہم، سیکیورٹی اہلکاروں کی جانب سے مکمل تفتیش کے بعد یہ بات سامنے آئی کہ یہ دھمکی بے بنیاد تھیـ”۔
سرینگر بین الاقوامی ہوائی اڈے پر معمول کی پروازیں بحال ہو چکی ہیں، اور تمام طے شدہ پروازیں شیڈول کے مطابق چل رہی ہیں۔ ہوائی اڈہ انتظامیہ اس جعلی کال کی تحقیقات کر رہی ہے۔