عظمیٰ ویب ڈیسک

نئی دلی// مرکزی وزارت داخلہ نے جمعہ کو جموں و کشمیر پولیس کے 28 افسران کو انڈین پولیس سروس (آئی پی ایس) کیڈر میں شامل کر دیا ہے۔
جمعہ کو جاری ایک نوٹیفکیشن کے مطابق، جموں و کشمیر پولیس کے 28 افسران کو AGMUT کیڈر الاٹ کیا گیا ہے۔
نوٹیفکیشن کے مطابق، ان افسران میں مقصود الزماں، مبشر لطیفی امیر، شیو کمار، رشمی وزیر، راجیشور سنگھ، سندیپ وزیر، انیتا شرما، سمیر ریکھی، جتندر سنگھ جوہر، انیل کمار مگوترا، سوارن سنگھ کوتوال، زاہد نسیم منہاس، ڈاکٹر کوشال کمار شرما، اشوک کمار بڈوال، شوکت احمد ڈار، الطاف احمد شاہ، بکر سامون، فردوس اقبال، اعجاز احمد بھٹ، رنجیت سنگھ سمیال، محمد یاسین کچلو، راجندر کمار گپتا، راجیش کمار شرما، سنجیو کمار کھجوریا، راجیش بالی، سنجے کمار، ممتاز احمد اور محمد اسلم شامل ہیں۔